《囝囝女女730》硬撼無綫《東張西望》CY、MIRROR 造星3參賽者做主持！
廣告
《囝囝女女730》是ViuTV日前宣布推出全新綜藝節目，除了有金牌司儀強尼、女神沈殷怡及一眾MIRROR成員 Lokman、Tiger、Alton、Frankie等擔任主持外，又搵來早前熱爆節目《全民造星3》一眾人氣參賽者擔任客席主持，每晚比拼連場歌舞比拼，再加上八卦趣聞吹水等，在晚上7時30分時段播出，硬撼無綫皇牌資訊節目《東張西望》！
文：東方新地｜圖：ViuTV提供活動相片
《造星3》CY 與高層合照示好
ViuTV新綜藝節目《囝囝女女730》主持陣容有強尼、沈殷怡、岑日珈、黃正宜及MIRROR成員Lokman、Tiger、Alton、Frankie，客席主持則由《全民造星3》一班參賽者擔任，包括有冠軍Ben（趙祥誠）、亞軍陳葦璇、季軍Ansonbean（陳毅燊），成功打入十強的Cloud（雲浩影）、CY（陳澤言）、Mischa（葉巧琳）、Alina（李靜蓮）、Kimman（黃劍文）、KLau（劉瑞祈）、NY（鍾諾言），以及未能進入決賽的參賽者Manson（張進翹）、右雨、Kiki（張凱娸）、Waiwai（潘緻慧）、旨呈及Vincent（羅振峰）。
亞軍陳葦璇：我哋戰鬥力好強
對於硬撼無綫晚上7點半節目《東張西望》，《全民造星3》亞軍陳葦璇笑言：「其實我哋都打開仗，由《造星3》第一回合打到依家，所以我哋戰鬥力好強！」
冠軍Ben就表示要為節目訓練自己口才同說話速度：「仲要努力練吓唱歌咁，跳舞我就Freestyle嘅，所以冇乜特別諗新舞步。」季軍Ansonbean則對做主持表現輕鬆，他笑言：「最緊要係玩得開心！但我都會練好啲口才，喺錄影前講多啲嘢當開聲。」
同奇能異士Battle
《囝囝女女730》由曾製作ViuTV真人騷節目《調教你男友》的楊任豪擔任監製，他透露今次節目集合了Talk show與音樂綜藝元素，每集節目首15分鐘是不同主題的Talk show，之後15分鐘則是由一班《造星3》的囝囝女女在每集接受不同奇能異士挑戰，展開Battle。
Ｍanson透露自己將會負責「Man talk」環節：「係男士之間chitchat，講點樣去be a better man，入面都會唱歌，同講吓自己啲生活習慣，點樣下工夫去keep住自己嘅身形、顏值等等。」
