全星暑假｜直擊7大必睇焦點 COLLAR預告水上樂園晒泳裝騷身材

《全星暑假》系列記者會 7大必睇焦點

1. 《撞鬼自駕遊》終於有宣傳

早在《撞鬼自駕遊》開播前，主持之一的ERROR成員193（郭嘉駿）已在社交網大呻節目零宣傳，現在節目已播出3集，ViuTV終在《全星暑假》系列節目的宣傳活動上，加入了《撞鬼自駕遊》的介紹，不過193一出場，網民都只留意到他和拍檔Ash（鍾卓穎）的身高差非常大，仲奇怪旁邊作為主持人的Brian（陳安立）身高只得187cm，看上去竟然同193相差不遠，質疑Brian著了增高鞋墊！

全星暑假《撞鬼自駕遊》193和Ash。 — 《撞鬼自駕遊》193和Ash。（圖片來源：FB@ViuTV）

全星暑假網民質疑Brian著了增高鞋墊，先可以同193睇齊。 — 網民質疑Brian著了增高鞋墊，先可以同193睇齊。（圖片來源：FB@ViuTV）

2. 193彈Viu多豬扒

此外193又同ERROR三位隊友保錡、Dee哥（何啟華）同肥仔（梁業）一齊為他們主持的節目《ERROR暑期自作業》一齊上台宣傳，193大爆會被隊友出賣他所教授的溝女秘技，講到同女嘉賓去宿營時，193竟大彈ViuTV自家女藝人「豬扒多過人，唔計COLLAR！」所以一定要搵「外援」，保錡更點名話唔要Win Win（楊安妮）同米露迪！

全星暑假 ERROR成員左起）193、保錡、Dee哥、肥仔。 — ERROR成員（左起）193、保錡、Dee哥、肥仔。（圖片來源：東方新地）

全星暑假之後接受訪問，193代表保錡為早前登台走音致歉，叫傳媒唔好寫衰佢哋兩個，寫衰肥仔好啦！ — 之後接受訪問，193代表保錡為早前登台走音致歉，叫傳媒唔好寫衰佢哋兩個，寫衰肥仔好啦！（圖片來源：東方新地）

3. Frankie連拍兩節目成MIRROR之冠

MIRROR成員Frankie（陳瑞輝）在今個暑假一連主持兩節目，包括《幫手預埋我》，以及MIRROR的團綜《MIRROR＋》，網民都大讚Frankie在《幫手預埋我》中同Helen（譚凱倫）合作，頗具新鮮感。

全星暑假 Frankie今個暑假主持一連兩個節目。 — Frankie今個暑假主持一連兩個節目。（圖片來源：FB@ViuTV）

全星暑假雖然《幫手預埋我》話同Helen做拍檔，但其實係分開拍。 — 雖然《幫手預埋我》話同Helen做拍檔，但其實係分開拍。（圖片來源：FB@ViuTV）

4. MIRROR熱爆玩遊戲

MIRROR今次有Frankie、Ian（陳卓賢）、Jeremy（李駿傑）、Stanley（邱士縉）、Lokman（楊樂文）和Jer（柳應廷）六位成員出席做代表，宣傳他們的團綜《MIRROR＋》，不過在超過30度的高溫下，六人都穿著皮褸和牛仔褸出瑒，令網民睇見都覺得好熱！

全星暑假今次出席嘅MIRROR成員有左起）Jer、Lokman、Stanley、Jeremy、Ian、Frankie。 — 今次出席嘅MIRROR成員有（左起）Jer、Lokman、Stanley、Jeremy、Ian、Frankie。（圖片來源：FB@ViuTV）

5. JER恨出國拍節目

而講到節目的主題「MIRROR CHALLENGE」將挑戰每個MIRROR成員的底線，Stanley就直指Edan（呂爵安）最無恥，所以他的底線最難超越！而Jer就話希望下次可以出國拍節目，睇番今次六個節目中，COLLAR主持的《全日制COLLAR學院》同P1X3L主持的《P1X3L 5G 上台計劃》都有得出國拍攝，難怪Jer有微言，連Brian都要出口為ViuTV解畫，話係因為MIRROR太忙，先至冇得出國！

全星暑假 MIRROR同小朋友玩抽紙巾。 — MIRROR同小朋友玩抽紙巾。（圖片來源：FB@ViuTV）

6. COLLAR冷帽襯背心

同MIRROR相反，COLLAR全體七位成員出場宣傳《全日制COLLAR學院》時，就好配合夏日氣溫，穿著吊帶小背心和白色短Tee現身，下身則配襯牛仔褲，充滿青春活力，不過頭上卻離奇地配搭了七頂冷帽，被網民取笑會焗出頭瘡。不過到玩遊戲環節時，小朋友就對Candy帽上的貓耳非常好奇，不斷狂摸，看來這些冷帽好得小朋友歡心！

全星暑假 COLLAR著小背心和白色短Tee配襯冷帽。 — COLLAR著小背心和白色短Tee配襯冷帽。（圖片來源：FB@ViuTV）

全星暑假不過小朋友就好鍾意佢哋冷帽上面嘅貓耳仔！ — 不過小朋友就好鍾意佢哋冷帽上面嘅貓耳仔！（圖片來源：FB@ViuTV）

全星暑假唔少網民見到佢哋都話覺得熱。 — 唔少網民見到佢哋都話覺得熱。（圖片來源：東方新地）

造型激似韓女團LE SSERAFIM嘅金采源

有眼利的網民指COLLAR的造型與韓國女團LE SSERAFIM的金采源在演唱《UNFORGIVEN》Live時候十分相似！

全星暑假網民話參考佢造型。 — 網民話參考佢造型。（圖片來源：IG@ chaewonn_lesserafim）

7. Phoebus狂呻出國冇得玩

《P1X3L 5G 上台計劃》搵來PIX3L三位成員Phoebus（吳啟洋）、George（歐鎮灝）同Marco（葉振弘），與5位ViuTV女藝人Yoyo（葛綽瑤）、Alice（許寶恒）、Sica（何洛瑤）、Win Win及Ash結伴到台灣拍攝一星期，但作為PIX3L代表上台宣傳的Phoebus，就大呻今次去台灣的行程非常緊密，由朝早7點起身要一路完成挑戰到夜晚11點，食、玩、瞓各樣都比預期中少得多。