傅珮嘉 再唱〈絕〉獲稱讚 或重返香港樂壇？

歌紅人不紅 令人惋惜

TVB日前播出的音樂節目《流行經典50年》中，邀請Maggie為嘉賓唱出〈絕〉一曲，不少港人都十分熟 悉，有無忍唔住唱埋一份呢？好多網民都為佢感到惋惜，歌紅人不紅。事實上，Maggie不但歌喉一流，佢創作能力亦十分出色，曾經幫張柏芝、何韻詩、薛凱琪、陳小春、吳奇隆等歌手寫過歌，係一位樂壇才女。亦有消息指，佢今年將會強勢回歸香港樂壇，好值得期待呀！

實力唱將 多次獲讚

Maggie淡退香港樂壇，2012年《Concert YY 黃偉文作品展》邀請咗 傅珮嘉 重新演唱Wyman的經典作品。當中「垃圾系列」甚爲著名，彭羚、盧巧音及容組兒都曾演繹該系列歌曲，而喺作品展中，Maggie都完美演繹〈絕〉一曲。當時佢更獲激讚，話晒咁耐冇喺樂壇露面，仍然可以發揮水準，絕對係一個實力唱將！

轉戰台灣 嫁台灣老公

後來，Maggie轉戰台灣，當時用新藝名「傅又宣」簽新公司。而國語專輯《愛．這件事情》大受好評，順利進入台灣市場！Maggie喺宜蘭長住了三年，話宜蘭生活令佢喺音樂上有更多創作靈感。在台時，佢好多時都回去各學校表演，玩獨立音樂。而佢亦喺台灣發展時，亦都認識到依家嘅老公並喺2011年舉行婚禮，仲誕下愛情結晶，所以覺得同台灣十分有緣！

全文完