結婚無耐就想「偷食」 陳展鵬被大肚老婆睇到實
撰文：Sunday Kiss – Angel | 圖片：單文柔IG、陳展鵬IG| 編輯：東方新地
陳展鵬陪大肚老婆齊齊戒口
藝人陳展鵬的老婆單文柔上月公布懷孕的喜訊，大家都很關心她的懷孕歷程。單文柔和大多數女生一樣喜愛吃甜品，但孕婦忌吃太甜，唯有戒口。除了甜食，陳展鵬更透露榴櫣、士多啤梨、麻辣火鍋、生冷食物如魚生、瀨尿蝦、大閘蟹、凍飲和雪糕等通通都不能吃。
陳展鵬：「點樣偷食呀！」
於是，廿四孝老公陳展鵬，決定陪大肚老婆一齊戒口。老婆不能吃的，他也不吃。他笑指：「點解我唔食得？？？法官大人冤枉!!!!! 」
話雖如此，當陳展鵬被問到會否出去「偷食」時，他甜蜜地回：「我差不多每一餐都同佢一齊食，點樣偷食呀！」仲Man爆咁話：「我依家同佢一樣，都唔食得呢啲嘢！」
網民們都大讚陳展鵬好男人，「老婆最大！ 」、「哈哈 乖！聽老婆的話 」、「一句講哂 老婆大哂」，非常羨慕他們夫婦的甜蜜。
單文柔晒裙仔 暗示陀B女？
之前Phoebe喺社交網曬白色BB裙，仲留言話：「我鍾意白色，好乾淨嘅感覺，唔知道小豬比鍾唔鍾意呢？」一眾網民都估佢哋呢胎係咪陀B女，要生「陳皮妹」！
陳展鵬單文柔婚後1個月 宣布造人成功
陳展鵬與太太係IG貼相，宣布「Baby is coming」，並留言，「2018年真是一個難忘嘅年份，我又再多咗一個身份啦！期待你嘅來臨。」單文柔留言，「期待小豬比的來臨。」陳展鵬嘅老襯兄弟陳山聰都有留言恭喜，而有不少網民都笑佢哋「原來系有左先結」；「奉子成婚」。不過點都好，都係開心事，恭喜晒！
實踐結婚聲明建立美滿的家
陳展鵬（10/9)突然向傳媒發聲明，宣布與單文柔結婚，並表示「要盡最大努力去建立美滿的家。」
陳展鵬結婚聲明如下：
陳展鵬致各傳媒友好
各位親愛的傳媒朋友、各位好友，多謝大家一直對我的支持和包容。今日，好高興同大家宣布，我要結婚啦！
一路以來，我都全情投入工作，直至Phoebe的出現，讓我們感受到幸福和信任。對於感情方面比較傳統的我，是時候用我最大的努力去建立一個美滿的家。多謝大家的關心，希望得到你們的祝福。
展鵬
早已視為結婚對象
41歲陳展鵬與28歲單文柔拍拖兩年，雖然拍拖初期，展鵬曾否認戀情，但其實早已視單文柔為結婚對象。
年紀相差13年
現年41歲的陳展鵬，與單文柔年齡相距13年。不過年齡無礙二人的發展，相戀短短半年，佢哋嘅關係已經極速升溫，好快都求埋婚。
視帝結婚梗係多贊助，有婚紗相，都有傳統裙褂相。
結婚當日陳展鵬就喺一眾兄弟陪同下，去到中環四季酒店接新娘。
之後就同新娘子，仲有親友登上遊艇，準備舉行婚禮儀式。
婚禮誓詞講乜嘢？
喺海上註完冊、簽完紙，以後大風大浪都要一齊去面對喇！
陳展鵬結婚誓詞：「由開始相知相識，彼此陪伴走過，唔單止好朋友好情人，我笑嗰陣你會戥我開心同滿足，我喊嘅時候你會默默守喺我身邊，為我遮風擋雨。彼此明白二人結合並非1+1=2，而是0.5+0.5=1。」
當晚一對新人會喺四季酒店擺喜酒。
單文柔件婚照超低胸，勁Sexy！
視帝結婚喇！唔知有冇人會覺得傷心呢～
單文柔 獲港姐好友送上婚前驚喜派對
單文柔同屆的港姐亞軍劉穎鏇及落選的魏韵芝，早前為準新娘送上驚喜，原來兩人預先訂房替準新娘舉行婚前派對，房內放滿粉橙色嘅汽球，仲有「bride to be」嘅橫額，Phoebe一入到房就好驚喜咁話﹕「嘩，好靚呀！」
兩位好姊妹仲甜蜜向佢獻吻，派對現場又以粉紅色為主色，擺滿粉紅色氣球及花瓣，真係好Sweet！
魏韵芝就留言話：「Congrats my Soulmate，Hope you liked the surprise（恭喜晒我們的心靈伴侶，希望你鍾意呢個驚喜。）」 又話﹕「女人的浪漫，誰說玫瑰只可以男人送？」佢講笑話Phoebe係幸運女神，反問點解唔係自己！
單文柔舉行婚前派對，房中掛滿汽球和寫上Bride to be的橫額，而她們還為準新娘戴上小后冠和彩帶，兼送上小蛋糕﹑花和香吻，逗得單文柔驚喜又開心。
10月13日就係陳展鵬迎娶單文柔的大日子，新郎煎Pang一早於中環四季酒店接過新娘單文柔，之後去到船上舉行婚禮，新娘子肯定畢生難忘！
陳展鵬一身西式禮服一貫地有型，而單文柔則身穿露肩婚紗，盡現美好身段，性感又高貴！兩人在親朋戚友見證下註冊成婚，恭喜恭喜～
晚上陳展鵬與單文柔於四季酒店舉行婚宴，兩人換上另一套禮服見傳媒，單文柔表示中午宣讀誓詞的部分令佢非常感動，另外又指有唔少結婚儀式都刪減了，包括未有玩新郎環節之類。而煎Pang就表示父母都非常高興，令平時比較cool的爸爸都特別開心，好滿意新抱仔！
