側田節目失控狂串劉浩龍 網民感犯眾憎留言狂插：終於明點解曹格打你
廣告
側田早前香港開騷，演唱會上喊話自己找回初心，仲自爆話好大機會患上遺傳性失憶，猶如賣慘式回歸。最近側田亮相由郭偉亮、劉浩龍、谷德昭主理的網上頻道玩德州撲克，期間不停瘋言瘋語，全程針對劉浩龍，不停寸佢，雖然對方多番迴避，側田依然唔收火，慘被網民嘲似「劉馬車」，更提議側田同劉馬車當場鬥嘴。
側田串嘴表現變犯眾憎 網民狂插唔留面
郭偉亮因鍾情德州撲克，故與志同道合的谷德昭、劉浩龍開設頻道玩德州撲克，最近搵來側田做嘉賓，玩足四集。有網民在連登討論區鬧爆側田，「睇完啲片就明點解側田當年會被曹格打」，惹來網民激烈討論。
網民幾乎不留面插爆側田：「佢飲大兩杯呀？咁跳掣」、「叫佢同劉馬車battle下啦」、「我覺得佢勁過馬車」、「嚇到條女係咁縮」、「懷才不遇，覺得聽眾個個剩係識海豚音好膚淺嘛」、「傳媒無寫錯佢，睇到佢人好差」、「反而明點解劉浩龍有咁多圈中朋友，係咁比人質，EQ仲咁高」、「劉浩龍其實都開始黑面啦，不過有拍緊片忍住啫」、「明點解當年曹格打側田啦，我睇片都想打佢」、「練大隻只係為媾女？佢咩邏輯？」、「佢一味講女 好幼稚 做咁多野一定要為左溝女咩 ,好明顯佢因為以前矮 溝唔到女 所以要做勁多野彌補不足,其實係自卑」。
側田狂寸劉浩龍：有腹肌但冇女！
片中側田表現勁high，不知是否受酒精影響，口齒有點不清，不時起身和舉起雙手。本來大家相安無事，劉浩龍也讚側田成熟咗有牌品。其後談到側田之前的演唱會，劉浩龍大讚佢除帽個part「好正，好有型」，料知側田突然失控狂嘲劉浩龍：「練六舊腹肌冇鬼用，有腹肌但無女！」。劉浩龍無奈回答：「係對自己交代。」
隨後側田再抽擊：「練嚟為乜？有乜得到？」劉浩龍迫使回答：「冇！係冇女！」結果回答遭側田恥笑：「腹肌同海豚音一樣無X用。」側田繼續失控，郭偉亮立即加入戰團：「我唔知佢講乜？」
20:00側田「劉馬車」上身：
側田忽然自爆：「我人矮但春X大！」
側田在其中一集對上圍大但身型纖瘦的Chili好有興趣，問她認為自己是否正常，Chili指自己無論性取向以至身體比例都係正常，側田不認同，同時忽然用自己做例子：「好似我咁矮，但大，春袋大但J細…big balls先有用…」果然語出驚人！
