倪晨曦驚變巨乳女郎：「我鍾意Slim、輕盈多啲」
原文：娛聞樂｜圖片：新傳媒、Instagram
網絡女神倪晨曦(Elva)
倪晨曦(Elva) 出晒名樣靚身材正，係模特兒兼瑜珈導師，教人扮靚又教人做瑜珈，網絡上有超多支持者！身材高佻的倪晨曦向來走健康路線，好少刻意賣弄身材，唔一定下下賣肉先叫靚嘅！
泳衣照好罕見：
唔知點處理好
其實是咁的，倪晨曦日前出席活動時回應，原來有人用佢個名開咗個假IG，仲將佢個樣key去啲性感大波妹身上！倪晨曦仲話朋友都有send俾佢睇，笑佢深藏不露！佢初頭都覺得好笑，但後來又有啲驚，唔知對方咩心態咁樣做，都唔知處理好。
延伸閱讀：
倪晨曦孖生妹妹Jennifer
湯洛雯有個索妹妹，原來倪晨曦同樣有個親妹妹，仲要一樣咁靚女！昨日係母親節，倪晨曦上載同孖生妹妹倪晨曄(Jennifer)與媽媽的合照，兩姊妹一左一右錫錫媽咪臉珠，幸福滿溢！
曾奪華姐魅力大獎
倪晨曦2005年時參加多倫多華裔小姐並奪冠，原來妹妹Jennifer同樣參加過「2007年多倫多華裔小姐」競選，並奪得「魅力傳城大獎」，靚樣無庸置疑！Jennifer同家姐眼睛及面形都頗相似，笑起上嚟甜美動人，不比家姐遜色！
另外，Jennifer同倪晨曦一樣身材修長窈窕，打扮青春可人！
姊妹情深
由兩人的社交網站可見，Elva同Jennifer兩姊妹感情確實十分好，經常有甜蜜互動，睇見都sweet！
倪晨曦係個瑜珈達人，原來Jennifer同樣愛做運動，兩姊妹經常孖住去keep fit！
女神一家好幸福
雖然Jennifer條件非常好，不過男士們都係唔好FF太多，覺得佢會入娛樂圈或者有機會追到女神，因為Jennifer 2015年已經與一位外籍人士喺夏威夷結婚，現時育有兩個可愛混血女兒。睇嚟Elva同男朋友都要努力啲，追貼妹妹的進度！
