《使徒行者3》黃智雯臨時被加嘴戲硬晒軚 呢位有份量人係…
廣告
《使徒行者3》被視為無綫今年重頭劇，將於下月播出，女主角黃智雯透露劇中「艷福」無邊，周旋於三大型男當中，更咀戲連場，而她更爆首次同前輩級男神咀戲相當有火花，咀戲更是臨時加插，所以有點反應不來，一度硬晒軚，不過對手帶她入戲，令她陶醉到依家，呢位份量級人馬原來係…
文：東方新地 ｜ 圖：東方新地、《東張西望》截圖
《使徒行者3》黃智雯馬國明再續前緣
台慶劇《使徒行者3》即將播出，黃智雯在劇中飾演總督察Madam G，事業上夠狠夠辣，但感情上卻唔拖泥帶水，周旋於三大男神林峯、馬國明同苗僑偉當中，跟馬明同三哥更有激烈咀戲，黃智雯同三哥由敵對仇家演變成親密到咀埋，夠晒曲折離奇，劇中核心人物之一的三哥，被爆臨時加插咀戲啜爆黃智雯。三哥話黃智雯被三哥突然啜爆，一時嚟唔切反應，一度硬晒軚，三哥話智雯好快投入，好快由「硬變軟」。
《使徒行者3》卓Sir硬咀Madam G
黃智雯提到被三哥臨時加咀戲時，直言以為三哥拍前話加咀戲係講笑，所以嗰一錫相當有衝擊，黃智雯話三哥同監製傾好才加戲，三哥指黃智雯錫到由硬變軟，智雯話：「因為劇本冇寫，依家講番都面紅，其實之前三哥同導演講加場咀戲會有趣啲，但我以為講笑，所以嚟唔切反應，太突然，全身僵硬，好有衝擊好震驚，呢一幕太深刻。」
黃智雯：「劇本冇寫有kiss戲﹗」
對於在《使徒行者3》同兩大男神咀，黃智雯大讚同三哥的咀戲最為難忘，回想當時自己心跳加速，完全是真實反應，更指回家跟媽咪講同三哥拍咀戲，媽咪表示好羨慕﹗黃智雯仲話同三哥呢個充滿火花的咀戲其實只是當中小插曲，劇中身邊好多型男，包括林峯同馬國明。
