36歲余文樂去年12月閃娶台灣「皮帶大王千金」王棠云(Sarah)，在澳洲墨爾本行完婚禮才公布婚訊，咁急結婚，其實因為王棠云陀住樂B雙喜臨門，今日余文樂親證太太有BB，恭喜晒！
撰文：東方新地｜圖片來源：新傳媒圖片庫、余文樂IG、王棠云IG
余文樂 親證太太有喜
余文樂同台灣「皮帶大王千金」王棠云拍拖不足一年閃婚，男神封盤，唔少人羨慕王棠云成功箍實爛玩的余文樂，今日樂仔喺內地同任達華以及林家楝等人出席網劇《冒險王衛斯理》發布會，受訪時佢終於承認太太有BB，仲話之前一直冇講只係想保護佢哋！
由於家人全在台灣，婚後移居香港生活的樂嫂，自然乜都依賴老公。
樂嫂大肚出巡
早前本刊拍得余文樂放假都會陪老婆外出吃飯，現場所見，新婚才三個月，余文樂已經冇戴婚戒，樂嫂小腹微微隆起。
