佘詩曼與台灣女星素顏自拍照 同被網民大讚省鏡！
廣告
近日，佘詩曼四出宣傳新戲，難得有日放假可以休息下，佢決定出海享受陽光與海風！今年43歲的佘詩曼素顏出海完全冇有怕，皆因凍齡嘅佢皮膚十分好！另外，有位台灣女星亦將自己素顏自拍相放上網！二人素顏樣同樣被網民大讚靚！
撰文：東方新地｜圖片：Instagram、微博、新傳媒圖片庫
佘詩曼素顏出海
日前，43歲美魔女之一嘅佘詩曼趁唔洗出席新戲宣傳，一於出海吹吹海風，感受一下炎夏帶嚟嘅樂趣。啊佘心情靚靚，於是上載一張素顏相於個人社交網，零妝容嘅佢皮膚質素非常好，肌膚白裡透紅！佢仲留言話：「Sunday.Funday! #enjoy #sea #sunday #girl」
雖然話啊佘今年已經43歲，但佢keep得非常好，無論係身型定外貌，都唔出佢已有4字頭！
佘詩曼愛騷素顏樣
另外，啊余其實都唔係第一次po素顏相上網，皆因上個月佢生日，同樣零make-up！啊余捧住個生日蛋糕，一啲歲月痕迹都睇唔到咁慶祝自己生日。
平日啊余唔洗工作，都愛以素顏出街，真係點睇都唔以四十幾歲，果然係名不虛傳嘅美魔女！
早前，佘詩曼更化身「智慧女神」拍攝最新電視廣告，長長嘅裙擺不斷被多把大風扇吹起，加上工作人員嘅幫助下，啊余散發出陣陣仙氣！
台灣女星分享素顏自拍照
另一邊廂，現時34歲女藝人楊丞琳一向出名出道多年樣貌不變，近日佢就唔舒服，但喺個人社交網分享咗自己兩張素顏自拍照，仲留言強調冇修圖、冇濾鏡、冇美肌、冇上妝！
雖然面帶病容，Rainie個樣有啲赲之餘，仲有黑眼圈出咗嚟，不過都依然省鏡，大批網民亦紛紛讚好，仲話見到佢有精神，就放心晒咁話！
