佘詩曼揀手錶如揀男友？ 透露與《天與地》班底再拍劇
廣告
佘詩曼昨日去到澳門出席手錶品牌活動，身穿一襲火紅色跌膊連身裙，夠晒明豔照人。阿佘就話揀手錶就好似咁揀男朋友一樣，一定要內外美兼備！另外阿佘又透露下月底會接拍戚其義監製的網劇，熱切期待這個全香港人的班底，仲會同神劇《天與地》拍檔陳豪、黃德斌再合作，好期待！
撰文、圖片：東方新地
佘詩曼揀手錶如揀男友
佘詩曼呢日一襲火紅色跌膊連身裙夠晒省鏡，不過佢手上隻手錶更加搶鏡，錶入面有一隻識得郁的小鳥，品牌全球只有一隻！所以佢希望男朋友好似隻錶咁，係屬於自己的唯一一個！
佘詩曼與《天與地》班底再拍劇
佘詩曼又透露下月底會接拍戚其義監製的網劇，將會同部分那些年神劇《天與地》的拍檔合作，其中包括陳豪同黃德斌！另外仲有其他演員就唔可以透露住，不過係一個全香港人的班底！
大家都記得當年《天與地》播出時有唔少金句爆出，唔知呢次係咪同樣會帶俾觀眾更多金句？阿佘就話劇本仲未有，因為大家戚其義監製做事嚴謹，劇本一定係精心雕琢，未咁快俾大家知
