佗b六個月晒水着孕照 大肚張嘉兒去馬爾代夫做瑜伽

撰文：Kammy(原文刊於：sunday kiss) | 圖片來源：Instagram

張嘉兒赴馬爾代夫晒孕照

現年34歲的張嘉兒於2007年奪得香港小姐冠軍，並於2015年下嫁金融才俊男友，2016年誕下長女Leora。去年張嘉兒在社交平台中宣佈再次懷孕，預產期將於今年5月，真是三年抱兩！

近日，已懷孕6個月的張嘉兒跟老公Nathan到馬爾代夫渡假，享受陽光與海灘。她在社交平台上分享自己在水上的相片，她更笑言：「有個六個月大嘅水泡幫我浮。成個海灘得我一個人，實在太美啦。」看來她十分享受是次旅程！

另外，她更分享自己在海邊漫步的相片，相中她身穿泳衣更大晒肚皮。雖然嘉兒挺着巨肚，但肥土不肥人，其手腳依然纖幼，加上面尖尖，有種媽媽的美態，真是愈佗愈靚！

張嘉兒在旅程中大讚海水清澈見底，更以英文留言說：「感恩這幾天可以在這美麗小島上生活，我從未見過如此清澈的海洋，如此蔚藍的天空，馬爾代夫真是一個天堂。」

她又寫道：「適當嘅時候更加要拉下（吓）筋，我嘅運動通常都係游水同埋做瑜伽。大家可以開着YouTube跟住一啲產前瑜伽來做。短短10分鐘都可以幫大家紓緩一下疲勞，亦都可以幫助生產順利啲㗎。　#大肚媽媽加油　#不過要量力而為唔好夾硬　#過咗懷孕第三四個月就唔會咁辛苦㗎啦　#孕婦瑜伽」