陀孖仔太辛苦 李心潔痛到坐輪椅
廣告
恭喜晒！李心潔晌星期五凌晨生咗對孖仔喇！40歲李心潔今年1月宣佈懷孕，仲要打孖上陀孖胎，唔只老公彭順，好姊妹梁詠琪、楊采妮等都戥心潔開心到爆！今次係心潔第一胎，所以萬事都要好小心，心潔亦好乖冇周圍去，留晌大馬屋企靜靜安胎，終於安全在吉隆坡一間醫院誕下孖仔。
其他文章︰
《一屋老友記》續放笑彈 歐陽震華扮鬼上身
港男次輪面試 17猛將大檢閱
臨生B前，心潔頻頻上微博同粉絲分享懷孕生活。日前心潔寫了一篇長文，透露由於個肚太大，冇一件睡衣啱着，連男裝加大碼都着唔落！
除咗難買衫，心潔仲呻陀住孖胎好辛苦，初期不斷嘔，一日可以嘔6、7次；近期就因為個肚太重搞到脊椎痛，行動太唔方便，所以彭順租咗架輪椅俾心潔，算係幾體貼。
預產期係今個月，隨時生得嘅心潔唔敢周圍去，唯有晌屋企等朋友上門探，或者煮飯畫畫解悶。心潔仲話做咗媽媽先知母愛偉大，好多謝媽咪以前用心湊大佢哋幾姊弟！乜都係假，最緊要老公彭順以後生生性性、做個好老公好爸爸喇！
