何雁詩婚前水著密會男友人 原來商討如何令鄭俊弘…
廣告
何雁詩和鄭俊弘將於11月7日拉埋天窗，繼之前孖住拍MV將床事在鏡頭前大公開後，又把結婚大事喺巴士車身賣廣告，原來是鄭俊弘粉絲送給二人的結婚週年禮物，務求將大婚之事公諸全世界。準人妻何雁詩婚前最後一擊以水著示人，不過旁邊唔係未婚夫鄭俊弘，而是之前傳過緋聞的男友人，大家喺泳池暢飲玩水，唔知鄭俊弘點睇呢？
文：東方新地 ｜ 圖：何雁詩IG
何雁詩錫住鄭俊弘玩死兄弟團
準人妻何雁詩出po話呢公私兩忙，所謂吊頸都抖吓氣，所以相約友人去暢泳玩水，不但水著示人仲同男友人坐池邊邊飲邊吹水，真係歎﹗何雁詩話呢排既要籌備11月婚事，又忙於為新歌宣傳，加上即將到廿八歲的生日大日子，三喜臨門，所以何雁詩話雖然好忙但忙得好開心﹗呢日何雁詩咁歎原來都係為了未來老公鄭俊弘，而坐在旁邊的男友人原來是姊妹團之一，大家正商討在結婚之日的玩新郎遊戲，何雁詩仲話要玩到班男仔「攤攤腰」，不過有友人留言指條腰對男人好重要，整親條腰會浪費了洞房花燭夜，何雁詩九秒九改口要錫住未來老公，表示只係玩死班兄弟團喎，繼續閃盲大家對眼。
