何廣沛：「依家最緊要搵多啲錢！」 大呻收入唔穩定
撰文：東方新地｜圖片：東方新地、Instagram
入行被家人經濟封鎖
提到人行經過，何廣沛原來中學期間仲未開始靚仔，而入大學後先至變成校草！何廣沛透露由於身邊朋友不斷鼓勵佢:「 你快啲返香港做明星啦!」，所以先會返香港試吓。
何廣沛指最初做freelance模特兒同主持，後來更想以模特兒為正職，但不成功，剛巧TVB藝員訓練班招募，於是反而順利入了訓練班。
對於無做會計，反而去做演員，屋企人有無反對，何廣沛就話：「家人默默咁支持，但唔係盲目支持，佢哋係經濟封鎖咗我嘅，希望我可以獨立、希望我可以唔靠屋企人。我屋企人嘅做法係:『 你要清楚知道，你依家搵到 工㗎嘞，我哋唔會好似以前你讀書嘅時候，會畀零用錢你或者接濟你。』」
提到由訓練班到有得做男二、男三，可能要隔十年，咪要一路捱麵包，他則淡言笑說：「訓練班出嚟，話就話有個底薪，但都係能者多勞啦 ！」
他繼說：「公司一晚可能可以去到十五個騷，客串做死屍、職員、乘客 ⋯⋯最好就係做賓客，傾吓偈就得嘞，一晚幾個騷好多錢㗎嘞!」，更坦言做過兩、三年臨時演員，可見演員之路不易走。
介唔介意撞樣？
當問到覺唔覺得自己麼黃嘉樂同陳家樂，何廣沛說坦言：「黃嘉樂就真係似嘅，唔知幾時先可以開套劇搵我哋做兄弟呢?我一直都畀好多市民認錯做陳家樂、胡鴻鈞、甚至係關智斌 ⋯⋯，雖然畀人認錯，但大家都係靚仔，無所謂，好多人話娛樂圈青黃不接，依家年輕一輩愈嚟愈畀大家認識到，大家對我哋年輕一輩認識多咗，我覺得都係好事。」
雖然今年已經30歲，但何廣沛望落依然童顏，他對此同樣認為是一件好事，直言：「因為係爹哋媽咪畀㗎嘛，同埋就算童顏，最後都係會變老、都會成熟，只不過比其他人遲少少，唔代表啲乜。」
他繼指：「但如果得五年童顏，可能五十五年嘅時間都係成熟，我覺得變相係好輸蝕，我好珍惜每次著起校服或者拍好年輕嘅角色，因為真係拍一次就買少見少，所以我唔介意畀人話童顏！」
大談愛情觀及擇偶條件
講到與朱晨麗的關係，何廣沛坦言與對方只不過是好同事，可能小冬同二小姐的角色比較深入民心，所以不少人才會覺得二人是情侶關係。他更認為：「其實有緋聞都係好事嚟嘅，因為可能會令觀眾更加投入個故事，觀眾都可能想會有呢樣嘢，畀咗個幻想空間佢哋，我覺得都係好事嚟嘅。」
至於何廣沛喜歡甚麼類型的女生，他說：「當然首要合眼緣先，同埋同我啱嘴形先，仲有我覺得最緊要係孝順！我希望個女仔嘅價值觀同我一樣，如果佢係一個甩繩馬騮嘅話，大家個諗法會好唔同！所以最好係同行，同一個圈外人一齊可能會有好多誤會或者有好多嘢有理說不清，同行可能會好少少。」，未知他又會幾時遇到真命天女呢？
延伸閱讀：
《跳躍生命線》中 何廣沛被稱新一代衝動派代表？
1.嬉皮笑臉
家傑第一次出車是明叔明嬸，在替明叔檢查的時候，用嬉皮笑臉的態度對待，又多口八卦又唱歌，讓在哥感到十分不滿。因為以他這樣的態度處理傷者，會讓人感到不專業，不誠懇，如果不是明叔明嬸，很容易被人投訴。
2.妄下判斷
在哥在責罵他嬉皮笑臉的時候，家傑以看上去沒什麼事，傷者又比較緊張為藉口，表示聊天是分散他們的注意力。但是，病患的情況應該用檢查的結果去判斷，而不是用「看上去」。
3.感情用事
明嬸出事後，明叔因為行動不便，在哥就叫他之後搭的士去醫院。家傑眼見兩人感情深厚，於心不忍，於是擅自行動，背著明叔，讓他可以跟車。
雖然家傑有人情味，但是他不告知而擅自行動，背明叔，萬一跌倒就會再有兩個人受傷，到時的局面只會更加難堪，更加麻煩。
4.第9集繼續衝動
在第9集的預告中，車禍發生，家傑不理會現場環境是否安全，就立刻衝過去，打算拯救傷者，但是汽車漏油，發生爆炸，差少少就「一鑊熟」。
