何依婷首次拍劇被《機場特警》楊明狂摸大髀 親自回應網友：「希望唔洗再坐大髀」
撰文：東方新地｜圖片：Instagram
何依婷首次拍劇 著短褲被男主角狂摸
何依婷第一次接拍多戲份嘅角色，於新劇《機場特警》飾演KOL，係男主角楊明嘅女朋友。著上背心短褲嘅Regina打扮已經超性感，仲喺劇中畀楊明摸大髀！睇到一班網民勁不滿，覺得女神初次拍劇就被摸，更加鬧爆楊明動作過哂火。
網民回應楊明摸腳 ：寓工作於娛樂？！
網民反應甚大 ， 有人認為「摸到似彈琴」、「根本無呢個需要」、「好過火」；亦有人認為「拍戲係咁㗎啦」⋯⋯
何依婷回應：「希望唔洗再坐大髀」
「好想多謝你地既支持，
第一套劇出街原來真係會好緊張
好擔心大家既反應會唔好，
但出左第一場戲之後
已經收到你地好多既回覆都反應唔錯
仲有滿滿既鼓勵
多謝大家對我既肯定同高抬貴手
令到我唔洗咁緊張同擔心
我亦會繼續加油架啦
另外，收到唔少回應話場戲太親密嬲嬲豬
我都明白，第一次拍劇、第一場戲，呢個畫面係有少少刺激
但大家唔洗擔心
拍個陣雖然會有d緊張同怕醜
但我有好好保護自己
事先有溝通好 場戲都有排過
所以大家唔好嬲啦
最多大家#齊集氣：「希望唔洗再坐大髀」
#唔知work唔work架😂」
《學是學非》入屋 何依婷性感「賣大包」
雖然比起其他女主持未算入屋，但Regina笑容甜美，加上身材不錯，所接的工作愈來愈多，尤其以《學是學非》女主持身份逐漸入屋。
《學是學非》是非精夠入屋
不經不覺，無綫資訊節目《學是學非》第一輯播出已經是五年前的事，每集都會由幾位女主持找出生常日活會遇到的問題，然後請來專家利用實驗解答。一班是非精每集都扮鬼扮馬，大放笑彈！
何依婷成新「是非精 」
不過日前《 學是學非》又有新成員加入，佢就係2017年港姐亞軍何依婷(Regina)！呢位「粉紫色是非精」與一眾師姐進行交捧儀式，何依婷表示同一班師姐開工好開心，正努力令自己更加嘈！馮盈盈則大爆Regina已經融入是非精家庭，個人粗魯咗好多！
馮盈盈否認續約換獎
馮盈盈早前在台慶頒獎禮奪得「飛躍進步女藝員」，佢話男朋友已經安排咗星期六同佢慶祝，到時會俾個驚喜佢！另外盈盈又否認續約換獎，表示與TVB年初已續約。
2017年港姐亞軍何依婷
猶記得2017年香港小姐冠軍由雷莊兒奪得，不過當時小編就比較喜歡亞軍何依婷！1994年出世的何依婷今年24歲，有齊天使面孔加埋迷死人笑容，唔少網民都話唔明白點解佢會失落冠軍寶座，似乎都為佢輸咗俾雷莊兒而感到不值！
校花look迷死人
何依婷喺兒童節目《Think Big Family》中，曾著住校服扮學生妹，紅色外套灰裙子，又靚又pure！何依婷無論輕輕淺笑或哈哈大笑都係咁可愛迷人，仙氣隔住個mon都感覺到，難怪網民都不禁大讚佢絕對係校花！點解小編當年啲同學……
有份演新劇《機場特警》
甜爆笑容迷死人
何依婷外表出眾，可塑性高，喺大台應該會有唔錯發展！雖然佢身材都係比較纖瘦，唔算話有咩豐滿上圍，不過勝在夠平均又皮膚白滑，甜爆靚樣搭夠！
白滑美腿吸睛：
延伸閱讀：
《學是學非》大玩Cosplay最受矚目係佢
最近是非精再次聚集拍攝新一輯《學是學非》，鄺潔楹、張寶兒、馮盈盈、梁嘉琪、劉穎鏇一起Cosplay小矮人，不過當中最搶鏡的是睡在正中間的火博士。
照片中的火博士帶上假髮，假裝吃了毒蘋果後的白雪公主躺在中間，網民也沒想到火博士居然那麼「玩得」。
就連梁嘉琪也笑言，相信之後節目的「是非精會再多一個」。
之前汪明荃特別的Tag人方式，連火博士都有在Instagram大玩汪阿Tag。
