伍晃榮逝世十周年 回顧經典金句
廣告
前無線電視新聞部資深體育主播、綽號「阿盲」伍晃榮，以風趣生動的報道方式而成名，尤其擅長報導足球新聞，深受廣大觀眾歡迎。但在2008年4月17日，伍晃榮因白血病感染肺炎引至器官衰竭，在瑪嘉烈醫院病逝，終年67歲。唔經唔覺，昨日是他離世十周年，對於球迷同不少歡眾來說，他講波的金句真係句句好笑又經典，依家就等我哋一齊回顧一下。
撰文：東方新地 ｜圖片：新傳媒圖片、伍家謙FB
伍晃榮逝世十周年 回顧經典金句
「幾時都話，波係圓嘅。」這句話是有「香港第一體育主播」伍晃榮的口頭禪，形容球賽結果往往出人意表。08年4月17日，無綫新聞報道公佈伍晃榮死訊，消息引起極大迴響，不少觀眾及球迷感到十分難過及惋惜。當年每逢世界盃或大型足球賽事，佢都經常夥拍阿叔林尚義一齊擔任足球評述員，精采的球賽加上二人金句連連，真係好有火花好好睇。
伍晃榮不經不覺離開咗十年，但他報道體育新聞的精采金句不少，依家就等我哋一齊回顧一下！
-
「幾時都話，波係圓既⋯」
-
「有乜野好過入一球？咪就係入兩球囉」
-
「佢地輸既唔係實力，而係少少運氣。」
-
「守門員最好既朋友就係門柱。」
-
「救到呢個世界球既，唔係龍門，而係條柱。」
-
「你咁都值幾千萬呀？」（形容球員門前踢失球）
-
「嗱！世界級球員呀！」（形容外國球員於香港踢表演賽前熱身時飲水動作）
-
「重覆一句，皇馬好波嘅時侯真係好好波㗎。」
-
「嗱，朗拿度好波嘅時侯真係好好波㗎。」
-
「有乜野比送一個大禮好？就係送多一個大禮。」
-
「有一次亦都可以有第二次，可惜一加一等於二，便不是足球了。」
-
「打球難：騎馬打球很難，騎象打球更難，騎駱駝打球難上加難。」
兩徒弟伍家謙、馮堅成 撰文悼念
人稱「體育王子」、前無綫電視新聞部體育組首席記者伍家謙，當年由伍晃榮帶領加入新聞部，多年與伍晃榮亦師亦友，他和前無綫體育主播馮堅成也有在FB撰文悼念。
關鍵詞
金句
