《陀槍師姐2021》林穎彤熱褲捉色魔 Bella默認與伍富橋分手：性格唔適合

《陀槍師姐2021》林穎彤熱褲捉色魔

Bella 林穎彤在《陀槍師姐2021》第三集登場，係主角宣萱的「懸案小組」成員之一，角色名叫方小喬「蕎頭」、著數妹，與張彥博飾演的馬啟凡有感情線，首星期就有變裝捉色魔的戲份，仲慘被摵Pat Pat ：

Bella在《陀槍師姐2021》第五集被成員指派以性感裝扮捉色魔，可惜失敗，之後就要宣萱出馬扮北姑⋯⋯

相關文章：《陀槍師姐2021》第6-10集劇情劇透：宣萱扮北姑餌誘色魔、羅仲謙臥底身份呼之欲出

近年Bella脫貧唔係單靠工作，而係高招mark住一班富貴兵團，被捧後即撇甩拍拖兩年奀星容天佑，換上高等兵伍富橋陪出陪入，有四十萬戰車管接送，不過林穎彤（Bella）與伍富橋去年尾傳出分手，更互相取消關注對方ig，似乎感情危危乎⋯⋯

伍富橋林穎彤互相取消關注ig

近日盛傳林穎彤和伍富橋情盡，早前林穎彤出席慈善活動記招時，被記者求證是否已與伍富橋分手，她眼眨淚光、強顏歡笑謂：「之前一齊宣傳，依家冇乜話題冇聯絡，因完咗宣傳，(係咪互相取消關注ig)係，不嬲都follow好少人嘅。」林穎彤更將伍富橋降呢為「朋友同事」，稱大家見面唔會尷尬，不過承認「性格非可以傾到偈做好好朋友」，更指伍富橋文靜，她活潑。被問到有否第三者介入，林穎彤稱未準備拍拖，但會考慮圈外對象。

昨日林穎彤出席活動，一臉愁緒回應記者追問關於分手傳聞。 — 林穎彤出席活動，一臉愁緒回應記者追問關於分手傳聞。

當年林穎彤撇奀星冧伍富橋

年前林穎彤與訓練班出身奀星容天佑有兩年時間打得火熱，不過，拍完《城寨英雄》開始上位，Bella亦火速撇甩奀星，當時更搵阿媽做擋箭牌，表示媽咪反對拍拖要她珍惜前途，可惜大話好快被揭穿，冇耐已經被揭與同公司星夢娛樂的新人伍富橋過從甚密，相信錢途比前途重要！相比容天佑乜都靠自己，出身小康家庭的伍富橋，入行不久已獲阿媽打本開舞蹈學校，又揸幾十萬Tesla出入，當然更得林穎彤垂青。

目標為本的林穎彤，17年飛甩奀星容天佑後，已火速收高等兵，與同公司星夢娛樂旗下的伍富橋打得火熱，出入有男方駕車管接送，生活升呢！

同奀星容天佑離合多次，17年5月正式分手，當時 Bella更指因媽媽唔想佢拍拖影響工作，因而放棄同對方一齊。

雖然仍是新人，伍富橋已經駕駛價值四十萬的Tesla代步，又開有舞蹈學校，家底不俗。

有高等兵伍富橋管接送兼大獻殷勤，當日到埗後，Bella先在伍富橋座駕車廂補妝，落車後又吩咐男方幫佢放好物件，連手上裝住嘢的紙袋亦交伍富橋幫佢攞，當正對方阿四好使好用！

交咗袋嘢畀伍富橋後，Bella輕鬆攞住水樽自己行入電視城，即使男方被粉絲要求合照，她也未有理會同男方扮唔熟。

林穎彤一石二鳥狂收兵有司機有小鮮肉

有高等兵伍富橋照顧周到，林穎彤出入變公主，當時有伍富橋駕駛其價值四十萬的 Tesla接載她返電視城開工，到埗先在伍富橋座駕內補妝，男方又幫她攞嘢服侍周到，早已將伍富橋治得貼貼服服的她，拍完嘢更儼如女主人，攞住車匙帶住小鮮肉師弟劉子碩出來坐順風車，更被小鮮肉氹到笑唔停，有高等兵做司機，又有潛力兵氹笑，一石二鳥都唔會搞出個「嬲」字，名副其實冧仔高手！