享受湊女生活不復出 謝安琪 ：「我咁肥唱咩歌吖！」
廣告
外號「生煎包王子」的前藝人蕭潤邦（Oscar），其生煎包店生意愈做愈大，仲過海開到去港島！今日Oscar於銅鑼灣的新店開張，誕下女兒後鮮有露面的 謝安琪 （Kay）原來亦係股東之一，佢表示同Oscar仲係新人時已經認識！不過被問到幾時會復出唱歌， 謝安琪 就笑說：「我依家仲係好肥，唱咩歌吖！」
謝安琪 做生煎包店股東
Oscar的生煎包店生意愈做愈有，今日其位於銅鑼灣的首間港島分店開張，股東之一的阿Kay、JW、陳柏宇和小肥等人都有出席剪綵儀式，舞龍舞獅切燒豬當然少不了，而Oscar同「老闆娘」江若琳就例牌放閃，Oscar感謝女友支持，話有個女人支持自己，做事都特別起勁！
延伸閱讀：
進軍飲食界 唐詩詠 王浩信 一拍即合開cafe
藐同性做咪霸 劉佩玥 麥明詩直播開火
謝安琪 爆Oscar睇中佢
生完B女Karina後的阿Kay最近甚少露面，佢表示大埔店同銅鑼灣店都有份，原來佢同Oscar新人時已經認識：「Oscar一路好支持我、鼓勵我，我第一次出騷佢又嚟睇，我攞奬佢又會好激動，唔知佢嗰陣係咪已經睇中我！」另外又稱依家跟對方學做生意，希望經營自己的事業。
享受湊女生活 不復出
不過大家最關心的，當然係阿Kay幾時復出唱歌啦！但對此佢直言：「我依家仲係好肥，唱咩歌吖！」又稱以前日日要keep住工作狀態，但依家生活他條得多，非常享受湊女生活，一切以家庭為重。其實相信唔少人都好想再聽阿Kay唱歌，希望佢休息過後會考慮啦！
