【中華小姐2019】香港代表陳曉華奪冠 王慧媛、吳雅珠屈居亞季軍
撰文：東方新地 圖片：新傳媒圖片
中華小姐2019 陳曉華奪冠
《2019國際中華小姐競選》冠軍由陳曉華奪得！對上一次港姐攞華姐冠軍，係2014年嘅陳凱琳，事隔5年，再有香港代表奪得后冠，真係為港爭光！
陳曉華在表演環節大玩空中呼拉圈，但一開頭已經上不了圈，雖然未有被失誤影響，依然全程展出甜美笑容，但其後再度失手，評判張曦雯事後話：「Hera俾到我好有驚險嘅感覺。」但才藝表演最高分三甲Hera仍榜上有名！
王慧媛得亞軍
來自夏威夷的4號王慧媛獲得亞軍，由參選至得獎，她的身材一直成焦點！
4號夏威夷小姐王慧媛身材驕人，才藝表演環節大跳夏威夷草裙舞，性感打扮十分養眼！
吳雅珠得季軍
來自紐約的13號吳雅珠獲得季軍，其志願是當上演員。
鄭子怡嘅35吋豐滿上圍成為焦點，但睇落唔多自然，而之前佢嘅間尺鼻也成討論話題，被網友質疑身材和樣子也「做假」，她表示對自己身材滿意，每日照鏡也會對自己說：「好靚、好鍾意你！」當問到可有「僭建」時？她笑稱：「這個是秘密，但如果想知道可以摸摸。」未有正面回應。
華姐台下嘉賓更吸睛
台上一眾參賽者爭妍鬥艷，台下亦有大量索女同型男嘉賓判評盛裝出席，事業線玉背長腿樣樣齊，令人目不暇給！你又覺得邊個最索？
《2019國際中華小姐競選》昨晚於將軍澳電視城舉行，大會司儀由袁文傑、麥明詩及陸浩明擔任，唔知大家覺得佢哋昨晚表現如何呢？
麥明詩以藍色底胸晚裝示人，高貴端莊！
一班佳麗之外，擔任大會評判團都非常搶眼，個個都係靚仔靚女，馬德鐘﹑陳豪﹑苟芸慧﹑朱晨麗和張曦雯，擔任「鑽石評判團」！
陳豪
型男評判方面，有陳豪、馬德鐘！
馬德鐘
朱晨麗
朱朱以黑色晚裝上陣，中門大開好性感！
苟芸慧
婚後嘅苟芸慧愈來愈靚，佢以黑色低胸晚裝現身，晒出4吋事業線！曾是華姐冠軍的她，獲在場傳媒指她再參選也能揮低一眾佳麗奪冠，苟姑娘笑謂：「當年參選至今都10年，人生有幾多個10年，所以都有少少感觸，依家位置唔同咗，有啲嘢過咗去就冇得番轉頭，所以要珍惜。」
張曦雯
張曦雯以白色lace裙上陣，好有女神feel！
湯洛雯、朱千雪
朱千雪﹑黃心穎﹑蔡思貝﹑余德丞﹑湯洛雯和羅天宇等，則擔任「華麗評判團」。
湯洛雯、羅天宇
羅天宇同兩名舊愛苟芸慧、湯洛雯同場，人妻苟芸慧談到羅天宇有點尷尬；湯洛雯則大方與羅天宇合照，仲話二人私下一直有聯絡。
黃心穎
心穎BB都係以黑色露肩魚尾晚裝上陣，條裙好貼身，好蝦人著！
蔡思貝 余德丞
蔡思貝同緋聞男友余德丞同場，二人甜蜜合照，二人齊齊受訪時亦默契十足。問到思貝可有見過啲佳麗？她稱：「只係喺電視見過，今次第一次見，要睇多幾眼，清楚知道佢哋來自邊度同資料，因為都幾難揀，所以想了解多啲！」但余德丞話：「第一個感覺最重要，之前電視有廣告我都避開睇，今晚第一次見！」身旁嘅思貝即表示：「咁咪啱囉，我哋一凹一凸！」
朱智賢、張寶兒
此外張秀文﹑余思霆﹑邵珮詩等小花都性感登場，其中以張秀文最為性感。
邵珮詩
張秀文
余思霆
同場加映：盤點12位最靚國際中華小姐冠軍
今年華姐賽果塵埃落定，唔知大家同唔同意三甲賽果呢？但就可以肯定以下歷年12位國際中華小姐冠軍，一定係你哋至鐘意嘅其中一位！
1988年李嘉欣
大美人李嘉欣係1988年香港小姐冠軍，也是首屆華姐冠軍，多年來均被譽為「最美港姐」嘅嘉欣，絕對係實至名歸。之後大美人即加入娛樂圈，憑着索爆面孔迅速走紅，而且多年緋聞不絕，每單戀情都轟動娛圈！
到2006年，李嘉欣終於搵到好歸宿，同許晉亨高調公開承認戀情，08年11月，二人在許晉亨父親別墅中舉行婚宴，正式嫁入豪門。而2011年2月，李嘉欣誕下兒子許建彤(Jayden Max)，一家三口經常放閃，羨煞旁人！
1993年 鍾麗緹
鍾麗緹於93年擊敗盧淑儀同謝綺玲奪冠，94年即被周星馳睇中邀請拍電影《破壞之王》，盛傳當年星爺力追女方，不過，鍾麗緹於1998年嫁給外籍丈夫Glen Ross，育有一女Yasmeen Ross，但於2002年離婚。
經歷兩次婚姻失敗後，鍾麗緹未有氣餒反而愈愛愈勇，拍攝內地真人騷《如果愛》同細佢12年的大陸演員張倫碩發展姐弟戀，後來張倫碩更在節目中派驚喜下跪求婚，二人婚後好恩愛！
1999年 葉璇
氣質美女葉璇於1999年參選國際中華小姐，取得冠軍及「最具古典美態獎」，葉璇喺無綫拍過不少劇集，不過近年到內地發展。
葉璇2015年同內地男友小默先生公開戀情，男友連番厚禮，上年葉璇更高調晒愛，更認為：「愈愛你的人，愈會主動為你花錢..」，相反「如果他對你一毛不拔，或者要等你央求才肯給錢，這種關係的本質就是施捨而已，不存在愛。」
2000年 郭羡妮
1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年，代表香港參選國際華裔小姐競選，亦順利取得冠軍，是繼1988年度香港代表李嘉欣贏得國際中華小姐競選冠軍後，第二位香港代表奪冠！
郭羡妮加入TVB拍劇，01年在同古天樂合演的古裝劇《尋秦記》，而郭羡妮一個人分演兩個角色，一個是現代少女，另一個是秦國才女，並且是因此劇而走紅。之後拍了大量的古裝片，2011年她與內地動作導演朱少杰結婚，翌年更誕下一女Kylie。2015年郭羡妮離開TVB後減少幕前演出專心湊女，淨係間唔中返大陸出席商演活動，又或者拍下港台劇集過吓戲癮。
2001年 廖碧兒
廖碧兒是2001年華姐三料冠軍，同奪都會魅力小姐及花都綽約大獎。
最近，廖碧兒就重返香港幫ViuTV拍劇，唔知佢又會唔會諗住返TVB拍劇呢？
2004年 鍾嘉欣
鍾嘉欣2004年擊敗曹敏莉同洪巧玲贏得華姐冠軍，而嘉欣BB形象親民討好，即被TVB簽下至今更成為花旦！嘉欣BB在無綫多年，多次獲傳媒及網民支持取得「民選視后」，其中2013年於《玩嘢王》爆喊場面，博得全港觀眾歡心，演技備受肯定！
同老公生咗兩個嘅嘉欣有B萬事足，現在過得十分幸福呢！
李亞男現在與老公黃祖藍十分甜蜜幸福，今年更為老公生咗個B女！
婚後兩年，宋熙年於上年8月誕下寶貝仔Damon，兩公婆不時喺社交網貼出湊仔日常大晒溫馨。
2009年 苟芸慧
苟芸慧係09年的國際中華小姐冠軍。初出道時樣子甜美，盡得網民歡心！點知後來因水腫問題，至體重激增至180磅，幸而經休養後已冇肥腫問題，回復索爆身形及靚樣！
上年10月，苟姑娘就同錫礦大王後人結婚，希望苟姑娘快啲有BB聽到佢哋有好消息啦！
香香唔止樣靚身材正，更擁有時裝設計學士、市場管理學士以及人力資源學士的文憑，哥利唔惹少！直至16年岑麗香嫁給強強，成為幸福人妻！依定懷孕7個月嘅香香，早前更大晒靚爆孕照！
2012年 張曦雯
被人稱為靚到離地的張曦雯，是2012年國際中華小姐冠軍。
上年，張曦雯因拍劇集《跳躍生命線》更爆紅！
上年，Grace同鄭嘉穎拉埋天窗，仲講到明想生孖胎，而早前就已經為老公添丁，仲公開咗B仔個樣！
