中年好聲音3丨5強名單疑似曝光！王鄭浚仁預料出局網民反應兩極

《中年好聲音3》5強名單疑似曝光

《中年好聲音3》五強名單疑似曝光，網傳黃博、張與辰、劉洋、李金凱及陳芷盈成功入圍。網民對五位選手各有好評，其中黃博與張與辰最受矚目。黃博憑穩定高分及評審讚譽略佔上風，而張與辰則以帥氣外型和多元曲風贏得大批粉絲青睞，兩人支持度不相上下，掀起激烈冠軍爭奪戰。

中年好聲音3 （圖片來源：中年好聲音3粉絲情報交流討論分享區@Facebook） — （圖片來源：中年好聲音3粉絲情報交流討論分享區@Facebook）

王鄭浚仁預料出局網民反應兩極

不過人氣選手之一的王鄭浚仁（Rax）預料會出局，引發網民熱議，不少人為他抱不平。網民批評陳芷盈表現平平、屢錯歌詞，李金凱則被指「唱到似斷氣」、缺乏情感，兩人仍獲高分入圍五強。反觀王鄭表現穩定，鮮有重大失誤，卻無緣晉級，網民怒斥評審不公：「Rax不停被打壓！」、「觀衆眼晴是雪亮的，所Rax人氣高企，大受歡迎！」、「中聲已無觀賞價值，只因評審不公平不公正的負面打壓Rax」。

中年好聲音3 不過人氣選手之一的王鄭浚仁（Rax）預料會出局，引發網民熱議，不少人為他抱不平。（圖片來源：TVB） — 不過人氣選手之一的王鄭浚仁（Rax）預料會出局，引發網民熱議，不少人為他抱不平。（圖片來源：TVB）

王鄭浚仁一度跌入危機區

王鄭浚仁早前在師兄師姐助力賽中一度跌入危機區，支嚳儀賽前更透露為咗配合王鄭浚仁嘅「海豚王子」音色，佢特意調高咗音調。然而，賽後王鄭浚仁僅獲85分（僅比阮慧珊83分高一位），令唔少網友大感失望，直指師姐支嚳儀嘅「助力」變成「阻力」，幫倒忙嘅情況令人意外。

中年好聲音3 王鄭浚仁跌入危機區，可惜！（圖片來源：TVB） — 王鄭浚仁跌入危機區，可惜！（圖片來源：TVB）

網友狠批支嚳儀走音嚴重助力變阻力引熱議

網友對支嚳儀嘅表現批評不斷，認為佢需要認真回聽自己喺比賽中嘅發揮。有留言話：「支嚳儀真係要聽多次尋晚自己表現，音準唔得、多處走音、把聲刺耳、仲要Show Off唱大聲過王鄭」，直斥佢幫咗「倒」忙，劣評如潮。更有網友心痛王鄭浚仁，話：「見到浚仁全晚的表情後，我真係好心痛，點解要咁對佢，一次又一次入危險區️佢明明係一個實力唱將呀」，為呢位實力派選手抱不平。

中年好聲音3 王鄭浚仁成首歌變左幫人和音⋯⋯（圖片來源：TVB） — 王鄭浚仁成首歌變左幫人和音⋯⋯（圖片來源：TVB）

中年好聲音3 網友狠批支嚳儀走音嚴重（圖片來源：TVB） — 網友狠批支嚳儀走音嚴重（圖片來源：TVB）

支嚳儀被指喧賓奪主：走咗最少十個音

唔少網友覺得支嚳儀喺合唱中喧賓奪主，質疑道：「究竟邊個先係參賽者？點解成首歌變左幫人和音？仲要就佢個key…..」佢哋指出，支嚳儀喺演出中搶盡風頭，甚至仲有嚴重走音問題，「呢位支女士仲要走咗最少十個音，第2分20秒同3分01秒支女士直頭災難級走音」。網民覺得王鄭浚仁嘅和音實力原本出色，卻因支嚳儀嘅失準表現而被拖累。