中年好聲音3丨安雅希抱病上陣即場爆喊 表現被指「好似兩個怨婦」
廣告
本周日播出的《中年好聲音3》「中2生助力賽」下半場，剩下7位參賽者，其中，陳芷盈和安雅希的《你瞞我瞞》備受觸目，不過師姐安雅希竟然抱病上陣，唱畢更即場爆喊…
安雅希抱病上陣 唱畢即場爆喊
今集焦點落在陳芷盈與安雅希合唱《你瞞我瞞》。兩位公認的好聲音女將默契十足，唱出獨特版本，驚艷全場。安雅希當晚抱病上陣，聲帶沙啞仍全力演出，擔心影響芷盈，唱完後感動落淚，與芷盈擁抱互相鼓勵，場面非常感人。
關心妍大讚兩人表現：「好似兩個怨婦」
雖然安雅希抱病上陣，但似乎未有影響到兩人表現，評審之一的關心妍更開聲讚道：「Blend埋一齊好悒，尤其是芷盈做嗰啲轉音，佢嗰啲慘唔係哭腔嘅慘，你兩個Blend埋好似兩個怨婦呀！」張佳添則認為安雅希失聲反而幫到芷盈：「真係助芷盈去唱，托住畀佢發揮。芷盈亦將旋律好靚嘅歌，唱得更加靚，你有呢個能力，同埋中間music break自己哼咗段嘢，係你自己設計，呢啲心思做得好好。」
圖片來源：tvb.com資料或影片來源：原文刊於新假期
