中年好聲音10強|吳大強遭Eric Kwok 借肥媽對白狠批 龍婷贏盡好評
中年好聲音|第16集出場名單及分數如下:
- 林鉫徫《好人》(86分)
- 李佳《我只在乎你》(83分)
- 龍婷《飄洋過海來看你》(82分)
- 吳大強 《Killing Me Softly》(79分)
- 涂家堯《我們》(78分)
- 曹敏寶《P.S.我愛你》(72分)——淘汰!
今集《中年好聲音》6位出戰選手,與上集6位一樣,分享各自要面對的人生課題,上一集支嚳儀(Venus)、周吉佩(吉吉)獲得最高分82分,至於僅獲得70分的梁浩銓則被淘汰,今星期輪到曹敏寶被淘汰!
中年好聲音|吳大強唱 《Killing Me Softly 》懷念初戀被指選錯歌
今集最惹人期待的是《中年好聲音》熱門吳大強(Bill哥哥)的故事及課題,令人意外的,吳大強選擇分享的,竟然「是少男十五十六時」的愛情經歷!原來大強年青時曾被一名在街頭表演的「如花少 女」吸引,可惜因為當年沒有勇氣主動搭訕,以致「飲恨」至今;為了懷緬當年那份青澀,吳大強選唱《Killing Me Softly》向當年該名美少女憑歌寄意:
「女仔十八 一朵花,係好吸引好靚,但當時都係細個啦,未有勇氣結識佢,機會過去咗就 冇,好多時人生就係咁,你冇勇氣踏出一步,就做唔到當時個心想做嘅嘢。」
中年好聲音|Eric Kwok 狠批吳大強「不夠感情」
是集吳大強繼續大晒「療愈系」唱功,不過今次卻出現不少負評,當中以資深音樂人 Eric Kwok(郭偉亮)的評語最為兇狠,直指大強整首歌變化欠奉:
「我用咗肥媽嗰招,就係攞嘢食(肥媽在旁即作狀喊打),如果我攞嘢食,即係你冇 fully capture 我 attention,咁我真係攞咗兩次嘢食。我唔係好 feel 到你諗緊個女仔,我淨係 feel 到你唱緊隻歌。」
中年好聲音|林鉫徫唱《好人》獲最高分! 對「男人婆」標籤感不快
這邊廂大強被指「不夠感情」,那邊廂的林鉫徫(Jay)及涂家堯不但充滿感情,二人更不約而同唱至眼濕濕含淚收場。先說歌唱導師林鉫徫(Jay),經常被標籤「男人婆」的她,選唱側田的《好人》,在接受製作組深度訪問時已忍不住哽咽:「睇完(網路對我唱歌嘅評語)我自己都要啲時間去消化,通常講我肥咯,或者唔知我係男定女,或者合唱時會覺得我係唱得 好,不過話唔想睇到個畫面。」雖然多番備受攻擊,但鉫徫依然希望能保持善 良,並學會愛自己:
「我揀呢首歌係想提醒自己要繼續保持善良,亦都希望可以將個重心放番喺自己度,唔再理人哋嘅目光。」
林鉫徫獲讚唱出真感情。
中年好聲音|大隻仔涂家堯剖白離婚心聲
至於大隻仔涂家堯選唱陳奕迅的《我們》,大方分享了當年離婚點滴,任職婚紗銷售員的他表示:「細到大對於結婚,都覺得係一生一世。本身我唔想離婚,但當時佢(前妻)講咗句,話我浪費咗佢6年時間,聽到我覺得冇乜挽回嘅餘地⋯⋯」家堯更指 為了不想家人擔心,確是度過了段難熬的日子。
![中年好聲音 吳大強 任職婚紗銷售員的39歲涂家堯,被前妻直指話「浪費咗佢6年時間」,聽到覺得冇乜挽回嘅餘地⋯⋯](https://imgs.orientalsunday.hk/wp-content/uploads/2023/03/-eric-kwok-tvb-0-9-screenshot_10260430726415fed5e922c-855x1024.jpg)
涂家堯唱《我們》獲伍仲衡好評
製作組還請來了涂媽媽分享對兒子及兒子離婚一事時看法,畫面及內容充滿了愛與啟發。用上真感情獻唱的二 人,同時獲得不少正評,其中張佳添大讚鉫徫終於有「追聽性」:
「不嬲知你唱得,但我今日最開心係我開始聽到你嘅力量冇乜壓迫感,之前你係好唱得,但有 壓迫感,去到後面會覺得夠喇,但今日聽到後面會好 enjoy。」
家堯則獲得「閹尖達人」伍仲衡的好評:「你感動到我,因為成首歌你係用真誠唱出嚟,冇話要用 任何技巧,當然喺技巧上係有啲沙石嘅。我特別鍾意你個 verse,你好似喺我耳仔 旁邊細細聲同我講嘢⋯⋯我好少畀 17 分。」喜獲正評的鉫徫與家堯到底今集能否憑好表現順利晉級?
![中年好聲音 吳大強 伍仲衡將批評某選手「高音無穿透力」,到底是誰呢?](https://imgs.orientalsunday.hk/wp-content/uploads/2023/03/-eric-kwok-tvb-0-23-screenshot_16919210126415fda6225fe.jpg)
再淘汰一人!十強即狀誕生!