世界盃開波啦！識睇梗係要睇靚女主持｜回顧世盃女主持 邊個最掂？
而為迎接世界盃，ViuTV推出節目《Good Night Show全民睇波派對》及《Good Night Show全民星戰 – 世界盃變「新」》，搵來杜汶澤孭飛做主持，暫時未知有咩靚女主持睇，不過多年來TVB同有線爭播世盃賽事，都有唔少索爆嘅主持小花，佢哋未必個個有專業球評水準，但學張國強話齋「有波、有分析」，真係有少少鍾意咗佢哋！
撰文：東方新地｜圖片：新傳媒圖片庫
世界盃歷屆靚女主持回顧
高海寧
於南非遭誤傳失蹤，搞到網民恐慌，大家都非常擔心當地人會垂涎高海寧美色，好在只係虛驚一場。
高Ling對「世界波」真係冇得輸！
苟芸慧
四年前被派到巴西採訪世界盃，險遭智利球迷狼吻。
李佳芯
在節目中潮玩Cosplay，化身足球護士，報道各隊傷兵情況，當年呢個角色由model出身嘅李佳芯演繹，真係fit晒！
梁政珏
宣布封胸嘅梁政珏，去到南非同做《獎門人》都變成密實姑娘，令觀眾十分失落！
黃婉曼
黃婉曼做節目最好睇嘅地方，就係成日畀班麻甩口水佬主持調戲。
孫慧雪
阿雪(孫慧雪)06年都做過「世界妹」，佢曾經指控林敏驄在無綫世界盃節目中對佢性騷擾：「佢話我個波污糟！」
林芊妤
當年著住TVB 件密實波衫，差啲唔認得有「港版瑤瑤」之稱嘅Coffee，咁搞法叫人點樣《世界盃動起來》先？！
李綺雯
被問及球員應否在世界盃期間禁慾，李綺雯寸嘴話：「球員唔帶老婆、女友去，都未必禁到 。」哈，唔通係陳七話佢知嘅？！
劉俐
對住貓紙都將球員名讀到甩甩咳咳，真係辜負咗「劉俐」呢個好名！
關婉珊
《美女廚房》嘅「蜜瓜」關婉珊(依家改名叫「關宛珊」)都主持過《世界盃動起來》，但表現未見突出！
黃瑩
06年港姐，點解咁好身材當年都落選？！鬼叫佢遇着擅打鬼影變幻球嘅冠軍陳茵媺咩！
蔣怡
全靠嬌聲嗲氣取勝，唔止球迷受落，連其他男性嘉賓主持都讚。
劉明軒
娛樂台靚女主播講埋波，專門八吓世盃嘅花邊新聞，就算唔係球迷都啱睇。
潘杰寧
咪睇佢外表嬌滴滴，實情係個資深球迷，除咗世界盃之外仲主持過《體育王》同《足球達人》。
