三個夠晒數 陳茵媺宣布封肚

懷胎六個月嘅陳茵媺現身活動，雖然腹大便便，但仍貪靚穿5吋金色高踭難，認真一步一驚心！
茵媺表示預產期係五月，同上兩胎一樣順產分娩。問到今胎性別，茵媺笑言：「下星期先知。（咁遲嘅？）因為佢鍾意遮住自己。（兩個仔想要妹妹定細佬？）佢哋太細未識，期待好熱鬧，三個夠晒。（宣布封肚？）我依家話係，因為都好攰，我又鍾意自己湊。 」