「一蚊JOE」游莨維自爆食足4年軟飯談主持《東張》多次惹火：我處理不當抵死！

游莨維獲TVB續約人工竟減半

現已開始重拾入行前保險工作的游莨維自揭於去年初已約滿效力18年的TVB，不過轉簽邵氏一年來機會欠奉，直到公司再跟他談續約時，更令他感到迷茫：「繼續留低見唔到自己嘅未來同位置，就決定take個break。」節目中，他首次披露22年公司跟他傾續約時，已開出薪水減半的條件：「我真係冇同人講過，係減一半，22年已傾續約，見佢開呢個銀碼，我係反問自己對公司係咪冇價值呢？呢個銀碼，我可能去做洗碗、保安？都搵得返！我唔係貶低洗碗，但如果我唔爆騷，只有底薪，就覺得自己價值唔應該咁under appreciated啩？加上自己生咗2個小朋友，我自己都生活唔到，去到2023年積儲見底，如果再簽3年，將來點算，就決定出去闖吓。」游莨維仲透露離巢前，自己已鋪定後路考獲保險、地產、保安及地盤四大牌照。

一蚊JOE 游莨維游莨維於今年2月宣布離巢效力18年嘅TVB。（圖片來源：ig@1masterjoe） — 游莨維於今年2月宣布離巢效力18年嘅TVB。（圖片來源：ig@1masterjoe）

一蚊JOE 游莨維游莨維自爆2022年公司跟他傾續約時，已開出薪水減半的條件，令佢不禁有「對公司係咪冇價值」個想法，加上佢育有2個小朋友，2023年積儲見底嘅情況下，最後心淡離巢。（圖片來源：ig@1masterjoe） — 游莨維自爆2022年公司跟他傾續約時，已開出薪水減半的條件，令佢不禁有「對公司係咪冇價值」個想法，加上佢育有2個小朋友，2023年積儲見底嘅情況下，最後心淡離巢。（圖片來源：ig@1masterjoe）

一蚊JOE 游莨維游莨維在訪問中仲透露離巢前，已鋪定後路考獲保險、地產、保安及地盤四大牌照。（圖片來源：ig@1masterjoe） — 游莨維在訪問中仲透露離巢前，已鋪定後路考獲保險、地產、保安及地盤四大牌照。（圖片來源：ig@1masterjoe）

游莨維惹火採訪曾遭全城炮轟

18年電視生涯做主持為主，游莨維的代表作除了兒童節目《問問Master Joe》外，就是做了16年外景採訪惹起多次爭議的《東張西望》。對於常被安排採訪突發新聞，他否認是「啃豬頭骨」，並表示：「我唔介意，做得突發就預咗日曬雨淋。」他更豁達道：「有時候去書展市民要排隊但我哋唔使喎，都叫享受呢個位。」

回憶2013年「葵涌貨櫃碼頭罷工」事件，他說：「當時我哋只被安排訪問碼頭管理層，我都好奇怪點解冇採訪工人嗰一方？係咪應該訪問曬兩邊？就出了個 post『身在曹營心在漢』，公司當時都要平息返風波，唱反調就混淆視聽。如果當時企同一條船，風口就唔喺我度。」至於最惹火的一次非2022年採訪中環槍擊案莫屬，游莨維與團隊因被港聞記者不禮貌對待而出post提及曾採訪馬尼拉人質慘劇，之後他立即成為全城炮轟對象，最後更急刪貼文道歉。對此游莨維再度認錯：「呢單嘢我真係處理不當！最唔啱係『恃老賣老』」他更坦言主持《東張》以來受盡冷言冷語：「做《東張》聽得最多係節目『兩不像』，娛樂不是娛樂，新聞唔係新聞，你仲話自己係新聞人？畀人插係抵死！」

一蚊JOE 游莨維游莨維於2022年採訪中環槍擊事件時，疑似與港聞記者發生衝突，更在Facebook出post暗串港聞記者，惹來眾怒。（圖片來源：facebook@Master Joe游莨維） — 游莨維於2022年採訪中環槍擊事件時，疑似與港聞記者發生衝突，更在Facebook出post暗串港聞記者，惹來眾怒。（圖片來源：facebook@Master Joe游莨維）

一蚊JOE 游莨維游莨維被網民砲轟後火速將帖文刪走，並再度發文向大家致歉。（圖片來源：facebook@Master Joe游莨維） — 游莨維被網民砲轟後火速將帖文刪走，並再度發文向大家致歉。（圖片來源：facebook@Master Joe游莨維）

一蚊JOE 游莨維（圖片來源：facebook@Master Joe游莨維） — （圖片來源：facebook@Master Joe游莨維）

一蚊JOE 游莨維游莨維在訪問中重提自己當年惹火採訪惹爭議一事，更直言對自己「恃老賣老」嘅行為感動抱歉。（圖片來源：ig@1masterjoe） — 游莨維在訪問中重提自己當年惹火採訪惹爭議一事，更直言對自己「恃老賣老」嘅行為感動抱歉。（圖片來源：ig@1masterjoe）

游莨維自爆食足4年軟飯

入行18年，游莨維亦因主持宴會司議認識任職投資銀行的圈外太太Clara，2人2014年結婚後，分別育有一對7歲及4歲的子女。游莨維對於太太誕第一胎期間，曾於公司平台直播產房經歷惹來批評，認衰道：「當時公司直播平台launch，喺度諗係咪要有啲noise，結果就畀人話譁眾取寵，想講聲唔好意思，太太本身都唔贊成。」當被問及高薪厚職的太太怎支持事業不穩定的他，游莨維笑稱：「佢穩定嘛！要多謝老婆，過往4年都食軟飯，係我唔啱！燈油火蠟個啲我搞掂，但有啲大數都係要靠老婆，其實作為男人係好痛苦，點解決定唔再續約，都係因為覺得辛苦太太。太太都話，最擔心都係男人唔肯做嘢啫，我自問都係肯做的人。」為了養活一家四口，游莨維相信馬死落地行。