《 拆彈專家 》MV曝光 三兄弟代劉德華試唱

劉德華 演拆彈專家

《拆彈專家》講述華仔飾演的章在山為警隊的拆彈專家，七年前佢以臥底身份潛伏到頭號通緝犯火爆 (姜武飾) 的犯罪集團，並在一次打劫金庫行動中，成功堵截炸彈引爆，可惜火爆最終逃脫，並揚言會回來報仇。七年後火爆回歸，香港接二連三發生炸彈驚魂，紅磡海底隧道更被悍匪堵塞，數百人質被脅持！究竟華仔會點樣化解呢場危機呢？

兩個月搭建紅隧

電影其中一個最大賣點，就係花兩個月時間搭建的「紅磡海底隧道」，預告片中見到紅磡大爆炸，仲有大隊警察重裝進攻的場面，非常震撼！

〈慢慢學習〉MV曝光

由華仔主唱兼填詞的電影主題曲〈慢慢學習〉，國語版MV今日終於曝光，MV中見到華仔與女主角宋佳的連場感情戲，短短幾分鐘已經好感人！

宋佳今次在片中飾演華仔老婆，另外見到佢被困喺車尾箱的情景，唔通係被悍匪綁架？

好兄弟蝦碌演唱

至於主題曲的廣東話版，因早前華仔拍廣告墮馬受傷，最後未能入錄音室錄唱，所以他在養病期間也常掛在咀邊說：「欠大家一首歌！」。於是戲中三位好兄弟姜皓文、吳卓羲及蔡瀚億 (BabyJohn) 齊心為華仔「還債」，用心演繹了一個廣東話「蝦碌」版！雖然技不如「華」，但勝在勇氣可嘉，果然幫到手！

甚少開金口的黑仔及BabyJohn，聯同吳卓羲齊齊唱出〈拆彈專家〉廣東話版，三人一拿到歌詞，即「報定案」表示：「唱得唔好聽唔好見怪！」正式開始時，黑仔負責攞咪錄音，吳卓羲負責打拍子，緩緩唱出華仔親自填的歌詞：「遇到了，真的愛，也不理，慢慢習慣一人高飛，慢慢習慣一概不理，想道別這場遊戲。」期間三人越唱越high，不停笑場，又失控地亂唱歌詞，場面搞笑！三人發現唱歌跟演戲確實係兩回事，笑言「華腔」難學：「點唱都唔夠華哥唱得好。」

全文完