《全職沒女》陳瀅浴缸濕身誘惑王卓淇咀謝東閔

上房清潔

昨晚一集講到酒店總經理莊雋穎 (張振朗飾) 深信繆思 (陳瀅飾) 之前係故意勾引自己，於是命繆思去自己間房進行清潔，並一直暗中監視繆思。但對方表現卻一直安份，直至繆思入洗手間時清潔後，突然傳出水聲及慘叫聲，雋穎即時衝入去！究竟係發生咩事呢？

雋穎一行入去，就見到着住一身女僕裝的繆思浸喺浴缸中，所以隨即進入「FF」mode，幻想對方濕身色誘自己，畫面中繆思眼神極其嫵媚，單眼放電又咬唇，再近鏡睇埋美腿！陳瀅BB呢場戲真係不得了，即時睇到張振朗成個人都硬晒！

沉醉喺自己「FF」世界的雋穎終於返回現實，其實繆思只係走入浴缸放水時唔小心跌倒，仲撞傷流晒血！雋穎見狀先知自己真係想得太多，打算上前為對方止血，不過繆思唔領情！真係尷尬到暈。

除了陳瀅BB濕身誘惑，昨晚一集仲有一個小亮點，就係長腿港姐王卓淇和謝東閔的一段情！劇情講到小背心示人的王卓淇初次擔任模特兒拍廣告，但被導演鬧到體無完膚，於是謝東閔就叫佢回想一啲溫暖的回憶。王卓淇之後想起一段又一段與謝東閔的甜蜜回憶，即時冧豬晒！

最後王卓淇成功代入羽絨廣告，做到一個令人滿意的笑容，唔知觀眾有冇啲窩心和溫暖的感覺呢？

拍完仲玩埋易服，王卓淇要求交換衫着，搞到謝東閔成個變態佬咁着住女裝小背心，順便大晒健碩肌肉。期間王卓淇發現對方腰間兩邊各有四條瘀痕，原來係因為自己坐對方電單車時用力抓緊腰部所致，即時好內疚！

不過謝東閔當然唔介意，仲話希望王卓淇好似以前咁繼續捉緊佢條腰，女方聽後深受感動，落車後主動錫男方嘴嘴，咁就做咗男女朋友啦！好Sweet啊！

關鍵詞