《火線下的江湖大佬》將於周一(25日)起，逢周一至周五晚上8時30分播出，該劇由鄭則士、陳煒、黃光亮、岑麗香、陳山聰及楊明孭飛。劇情講述鄭則士與黃光亮年少時因生活困苦而被迫吃江湖飯，後者更因走私被判入獄，前者則退下火線開設飯館。鄭則士因照顧黃光亮女友陳煒而彼此漸生情愫，最終結為夫婦。廿年後，黃光亮出獄找鄭則士算帳，加上未能適應時代變遷，因而發生連串故事。此外，劇中火花位亦多，依家去片！

1.鄭則士 黃光亮 戲內片到戲外

鄭則士及黃光亮演過氣江湖大佬，二人戲裏戲外都相當好火。有傳二人拍攝初時不咬弦，最終由拍檔苑瓊丹使出「雞髀打人牙骹軟」招數，令二人化干戈為玉帛，現時更經常相約飯敍，難怪女主角煒哥笑言：「係有啲『沙沙石石』，但我一啲都唔驚，咁佢哋嘅角色都成日有衝突場面嘛，況且大家都係對事唔對人，總之今次台前幕後真係好齊心。」

2.煒哥爆笑演出

原本第一女主角為郭羨妮，後改由陳煒頂上。而煒哥雖演黑社會大佬阿嫂，但一啲都唔惡，相反更烏龍百出，充滿喜劇細胞！而佢亦表示：「依家啲觀眾都需要啲輕鬆嘅題材，能夠多一條路線演出，梗係唔介意啦。」

3.香香首演舞獅

岑麗香劇中除演弱質纖纖女生外，有幕更要親身上陣拍攝半空舞獅場面，香香笑言有點緊張：「有場企上梅花樁舞獅場口，都要求自己做番！我都驚驚哋，畏高嘛！」

4.苑瓊丹狂揩陳山聰油

陳山聰搞笑自爆於劇中經常被首次合作嘅苑瓊丹「揩油」，一度被摸到忘記對白：「陰公，對我周身摸！成個上身俾佢摸勻，除咗下身。試過我要一路讀台詞、一路被佢摸，但佢專揀敏感部位，搞到我唔記得台詞，要嗌停佢。」

故事大綱

何其爽(鄭則仕)與柳卓南(黃光亮)從兒時好友至登上江湖兩大頭號人物，一路上風雨同路同甘共苦，後卓南因殺警入獄，著其爽照顧情婦蘇佑琳(陳煒)，二人竟瞞卓南暗渡陳倉結為夫婦，其爽隨即退下火線轉戰餐飲業，與大姨蘇佑妙(苑瓊丹)和前妻所生的女兒何寬心(岑麗香)過著平凡日子。誰料卓南早釋並投靠其爽，令兄弟情大受考驗，更導致女兒寬心與男朋友廖守基(楊明)感情破裂，一頭家瀕臨四分五裂，卓南更拉攏其爽東山再起，助他捲土重來，卓南的前妻葉芳菲(樊亦敏)失蹤多年後再度出現，並揭開了一段不為人知的秘密，連累各人捲入一場風聲鶴唳的江湖恩怨！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk