《殭》陳凱琳演夢瑤喪狠毒 網民讚好
《殭》中夢瑤(陳凱琳)一直癡戀活著(鄭嘉穎)，更甘願為對方變成殭屍，希望能夠一齊長相廝守，可惜活著已心繫家姐夢南，加上受阮冰(陳瀅)唆擺，結果夢瑤因愛成恨，更認為係夢南搶走活著，昨晚劇情夢瑤更變殭屍插爆家姐！其實呢幕肯肯肯定係陳凱琳全劇演得最好一幕，事關佢插爆家姐後變聲嗰個喪狠毒樣，入型入格，連網民都讚好，認為陳凱琳演得入木三分！唔知鄭嘉穎睇到女友癲狂一面後，會否嚇親呢？
愈愛愈恨
夢瑤原本想接受家姐夢南及活著相戀事實，不過，當見到夢南為活著包紮傷口時，心內不是味兒！之後夢南叫夢瑤去買外賣，期間夢瑤折返，得知夢南原來刻意使開佢，等佢唔使咁難受，更聽到阿刑話以前照顧佢都只因應承過夢南，對此夢瑤反而對夢南更加憎恨！其實使去買外賣啫，打電話叫外賣雞咪得囉！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk
延伸閱讀：
準備爛尾？《殭》突現膠爆情節
《殭》結局率先睇
偷襲殺夢南
夢南見夢瑤神情唔妥，即跟夢瑤出外，途中一直勸夢瑤若有不快事，記得要同佢講，又話可以學佢將唔開心嘅事記落小器簿當發洩，不過，瑤瑤當時已經極度失落，更怒睥實家姐，向夢南說幸福嘅人唔使寫小器簿，夢瑤愈諗愈嬲，更變身殭屍偷襲殺夢南，幸好夢南及時轉身，夢瑤事敗，表示唔舒服走先，夢瑤開始心神恍惚！
夢瑤思覺失調
夢瑤食早餐時，突然見到活著同夢南恩愛進餐，二人互相餵食，表現極度癡纏，令夢瑤大感氣憤，而自己想飲杯血時，更俾夢南捷足先登！夢瑤一怒下掟杯發洩，其實一切都只係夢瑤幻想出來，更因此嚇親紫紅(羅蘭)，紫紅見狀十分擔心！
呃家姐返來下毒手
紫紅跟夢瑤表示好耐都冇見夢南，夢瑤即起歪念提議叫家姐返嚟一齊閒話家常，實則想趁機下毒手！三人共聚時，姊妹兩人齊聽紫紅勸導，二人更話要為紫紅下廚，紫紅見姊妹感情要好，大感安慰！期間紫紅出外，離家後夢瑤即變臉，突然對家姐搶走活著心生怨恨的夢瑤，覺得對方橫刀奪愛太過份，於是趁機變殭屍，從後襲擊夢南，而瑤原本想插落夢南心臟將其置諸死地，幸未傷及要害。
癲喪樣盡現
夢南對夢瑤向自己襲擊感到難以置信，此時夢瑤已陷入歇斯底里嘅瘋狂狀態，更嬲到聲都變埋，仲話恨不得想夢南死，而夢南聽到後傷心流淚，夢瑤打算取南性命，說佢死後幸福便會返來，千鈞一髮之際，幸紫紅重返拎銀包，夢瑤大驚，紫紅見狀即上前扶實夢南，並大罵夢瑤想家姐死唔係人，夢瑤就話因為南所以佢先變成殭屍！跟住又指紫紅偏心，因為佢哋同夢南根本冇血緣關係，更癲咗係咁拍枱！最後夢瑤離開，紫紅扶夢南上床休息並冇大礙。
