《 愛．回家 》無限添食 新一輯又冇馬家
廣告
無綫處境劇 《 愛．回家 》系列《八時入席》將於1月5日告別觀眾，當以為《愛．回家》終於大結局之際，大台就公布新一輯處境劇《愛．回家之開心速遞》假定2月20日晚上8時播出。日前演員們出席記招，早前有傳無綫急call觀眾念念不忘的「馬家」回歸谷收視，可惜云云人海中發現只剩「馬虎」劉丹一人，「馬家」未能於新劇團圓。而暫定有180集的《開心速遞》，陣容有劉丹、單立文、湯盈盈、羅樂林及呂慧儀等人，拍到第四輯嘅《愛．回家》系列，欠缺馬家的收視光環，未知能否獲取觀眾的喜愛？
撰文︰東方新地
增添靈異元素
《愛．回家》第三輯《八時入席》雖搵來好戲之人毛舜筠及視帝黎耀祥坐陣，但觀眾仍對「馬家」念念不忘，所以收視就未如想像中咁好。當以為《愛．回家》播埋《八時入席》最後兩集就大結局就錯啦，事關只要口啤好的節目，不論劇集、綜藝等等，無綫都會一直翻炒再翻炒，拍到爛為止。小編正式宣佈︰新一輯處境劇《愛．回家之開心速遞》日前舉行記者招待會，公佈演員名單及造型，並假定於2月20日晚上8時播出。監製羅鎮岳就表示今次的處境劇依然適合陪住大家食飯，不過會加入靈異元素，成件事係開心喎！
九成會添食
而陣容方面，就冇觀眾期待齊齊整整嘅「馬家」，只有「馬虎」劉丹單拖有份參與。丹爺接受訪問時就話馬家唔齊人都無辦法，始終大家自己都有自己嘅嘢做，所以會尊重公司的決定。今次飾演速遞公司老闆的丹爺在劇中有三個女兒，長腳蟹及港姐蘇韻姿飾演二女及三女，但大女就保持神秘。丹爺更指佢的處境劇係九成都會添食，好似當年《真情》咁⋯ 不過宜家 愛．回家 系列無限添食，睇個勢真係有機會長命過《真情》喎。
