《愛．回家》曹總IG只Follow一人網友大讚勁專情！

曹總一角深入民心

在《愛．回家之開心速遞》中，劉一飛飾演的曹總是劇中其中一個受觀眾愛帶的角色之一，皆因他雖身為集團主席，但其親民及有義氣的個性，非常深得民心！而且，另外一個最搶眼的原因，就是他一口唔咸唔淡的廣東話，完美演繹大陸土豪！

曹總一角如此入屋，劇組就當然食住上，同時亦想為觀眾製造多一對觀眾鍾意的螢幕情侶。有見及此，近期一集的《愛回家》就以「水的K戀」為主題，講述曹總追求熊若水(呂慧儀飾)。

如果大家仲有印象，其實熊若水之前就與龔燁（張景淳飾）有過一段感情線，可惜二人始終未能開花結果，所以熊若水至今依然係單身貴族。

而近日一集中，就講述熊若水去咗占卜自己的愛情運如何，結果就指真命天子已經出現，占卜師仲贈咗佢一個「K」字給她，以作暗示。

當熊若水見到個K字後，就馬上諗起龔燁，以為占卜師所指的是他。

但其實原來仲有一個人的英文名中有K字，那人就是曹總！

而若水再次被曹總追求，又送花、落電視廣告表白，她亦認為對方是真心追求自己，故抗拒態度逐漸軟化，嘗試接受曹總。

但若水始終都是介意曹總的外貌和身型，無法接受其外表，故當曹總想想錫若水時，她一時情不自禁，不小心一拳打傷了曹總的鼻子。

曹總即時倒地並問若水：「點解喺咁浪漫嘅情況，會引起你暴力一面？大家都係畀啲時間冷靜一下。」

曹總傷心到仲喊晒咁離開，之後邊行邊講：「點解會咁樣啊？」睇到曹總被心儀的對象狠狠打一拳後流哂鼻血咗，就知若水出手幾無情。

近日，網友們竟然於網上搵到曹總IG，仲於網上被瘋傳，短短幾日，已有3千多人追蹤，而曹總的帳戶卻只有追縱一人，那人就是熊若水，即呂慧儀IG帳戶，故不少網友大讚「好連戲」！

曹總於IG中亦有po相放上平台同大家分享心情及近況，例如曹總曾po相及留言指：「鼻子再痛都會康復，那麼心呢？#不會放棄 #開心速遞 #不是，是傷心速遞」

網友見到曹總仲咁傷心，就不斷留言鼓勵他，叫曹總不要放棄！

更有趣的是，原來曹總亦會親身回覆網友留言，果然與他親民一面如出一徹！

關鍵詞