《心理追兇》 王君馨笑裏藏刀 自導自演殺人計劃

歎紅酒重組案情

劇情講到王君馨同裕美喺屋企一邊食巴馬火腿一邊飲紅酒，討論自己對付「狂迷」嘅精心計劃，望住佢個歎樣，認真心寒！

插針再捅肚

原來當初係王君馨引杜大偉去到森林中嘅廢屋，挑釁對方，話佢已經超越左自己嘅容忍範圍，警告佢唔好再騷擾自己。但杜大偉突然爆seed，話自己幫王君馨做咗咁多野，但換來嘅只有惡言惡語，隨即襲向對方！不過王君馨早有準備，即刻拎起針筒插落對方條頸，之後再喺肚度捅多刀！

撞大石爆頭

重傷嘅杜大偉虛弱咁走出森林，最終不支倒地，一直尾隨嘅王君馨本來打算割頸放血，但最後決定將佢個頭瘋狂撞落大石度。過程兇恨，毫無憐憫之情！

秒速變臉 奸到出汁

但當楊明來到，王君馨即刻由殺人兇手變返受害者，除剩件小背心 (順便晒身材)，更成身震晒、情緒崩塌。楊明又點會估到杜大偉係佢殺？

全文完