《心理追兇》大隻仔 羅浩銘係名校畢業生
廣告
如果問你識唔識 羅浩銘 ，你未必知佢係邊個，但如果話係《心理追兇》入面、敖嘉年個大隻仔下屬羅祖，會唔會有啲印象呢？劇中敖嘉年同伙記着住T-shirt、外套嘅時候，就得 羅浩銘 着住背心，大露肌肉。唔講唔知，其實佢曾經喺《激戰》入面同彭于晏、安志杰打到死咁制，仲做埋佢地專屬替身；另外佢雖然四肢發達，但頭腦一啲都唔簡單，多年前曾有機會入讀法律系，做一位律師！
《心理追兇》晒麒麟臂
《心理追兇》入面，敖嘉年飾演重案組督察，查案時身邊總會有班手足跟住。不過當全部人都係着恤衫、外套嘅時候，唯獨羅浩銘着住背心仔，盡露健碩肌肉！其中一幕講述楊明被兇徒襲擊，羅浩銘上前單手擋開水筒，大晒麒麟臂，認真威武！
打足彭于晏一日
1983年出生嘅羅浩銘現年33歲，2011年由TVB節目《功夫新星》出道，之後接拍一些不起眼嘅角色，但靠住健碩的身材及精通各種拳術，成為動作演員。《激戰》係羅浩銘第一套有角色嘅電影，有同彭于晏對打嘅戲份，又做過彭于晏和安志杰嘅替身。最搞笑係當時羅浩銘原來唔知彭于晏係台灣紅星，以為佢只係個身材高大嘅普通人，所以出盡力咁同佢打咗大半日。到最後先知原來佢係台灣好出名，好擔心打親佢！
名校出身 想做律師
好多人以為羅浩銘一味靠健碩身材，仲有拳打腳踢，但其實佢最初係想做一個律師！話說佢佢9歲至24歲期間與家人在加拿大生活，於溫哥華名校西門菲莎大學修讀犯罪學，算係陳凱琳同朱千雪嘅同校師兄！入行之前，更有過學校收佢讀法律系，但最終佢選擇咗功夫同演戲，向自己嘅夢想進發！
