《射鵰英雄傳》 史上最索梅超風 米露
廣告
由金庸經典改編拍成的最新一套《射鵰英雄傳》，將接《全職沒女》棒於八點半播出。2017版《射鵰》不單捧紅了兩位主角楊旭文及李一桐，更有三哥苗僑偉飾演「東邪」黃藥師，型到震又夠哂親切！講到《射鵰》，點可以唔講「黑風雙煞」之一的梅超風，呢個陰森恐怖的角色喺新版竟然變到全劇最索之一，演員就係今年27歲的 米露 ！
最索梅超風 米露
以往《射鵰》的梅超風中簡直係一隻女殭屍咁，永遠戴住頭巾，滿臉蒼白，其實梅超風都係個靚女嚟，金庸先生喺書中描述過：「燭光閃爍之下，見梅超風容顏俏麗如昔，她本來膚色略見黝黑，但近年來晝伏夜出，多居荒山野嶺，肌膚轉白，雙頰上還搽了一些花瓣汁液，似乎塗了胭脂一般。」內地女星米露就將呢種俏麗、冷艷的形象演活！
高陽公主 記唔記得？
出身自書香門第的米露，從小成績優異，舞蹈、鋼琴方面都有很高的造詣。中學畢業後，佢被北京服裝學院服裝設計與表演專業錄取，後來在2007年參加央視舉辦的模特兒大賽，贏得全國冠軍。大家聽到米露呢個名可能冇咩印象，但點都認到佢個靚樣！其實佢早年喺爆紅內地劇《武則天》登過場，除了范冰冰飾演的武媚娘外，劇中另一傳奇人物高陽公主，就係由米露飾演。
