《使徒行者》電影版 歡喜哥有得留低

《使徒行者》電影版今日開記招，除了3大型男主角古天樂、張家輝同吳鎮宇之外，「釘姐」佘詩曼當然亦有到場！至於早前有報道指被飛出電影版嘅「歡喜哥」許紹雄，真係冇到喎！

Fans可以放心，本刊致電歡喜哥，佢表示將於月中返港拍《使徒行者》電影版，因現正於內地開工，所以未有出席啫！而且更會續演歡喜哥一角，預計3月完工！

佘詩曼表示戲中有好多動作場面，更會同三位型男打到甩皮甩骨！提到該片將到巴西取景，問會否擔心治安問題，張家輝乘機抽李克勤水：「工作啫，收工唔會去夜店蒲，只會返酒店休息。(帶咩過去？)底衫褲。(怕寄失行李？)我都冇貼嗰啲barcode上去，不過呢啲事成日發生喺我身上，我係有呢啲命，叫做唔見行李命，幸好每次都可以拎番。」

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

網址：www.facebook.com/orientalsundayhk