早前參加內地歌唱節目《跨界歌王》嘅胡杏兒，上兩集揀咗Adele首〈Someone like you〉同張惠妹隻〈姊妹〉，雖然被唔少人批評唱得冇感情、唔識用氣、唔及原唱咁好聽，但起碼過到評判嗰關，有得上大舞台表演，仲差少少有得晉級添！點知開心過後，杏兒上集唱張信哲首〈愛如潮水〉，竟然因為用力太猛導致囧樣重現兼走音，結果連舞台都冇得上，試唱60秒後直接被out！