【最索圖集】入行超過20年！回顧Janice Man女神育成之路
Janice Man封盤 豪嫁富三代
JM曾秘密拍攝的華麗婚紗照，著上露背婚紗的JM明艷照人，手上結婚鑽戒更加閃爆，唔講唔知，JM準夫婿吳啟楠大有來頭，家族顯赫的他，阿爺是中共黨員，大伯是前人大代表，自己更是有為才俊兼前財爺梁錦松拍檔，36歲家族身家過億，飛上枝頭的JM，近月已進駐未婚夫千萬獨立屋待嫁，即使事業如日中天，亦決定退下火線做幸福人妻。
緋聞不多
回顧JM入行多年其實緋聞唔算多，同潮店老闆李冠峰拍拖更長達七年才分手。即使回歸單身，JM也未見太多緋聞，只係同Moiselle太子爺兼創作總監陳栢熹(Harris)傳過緋聞，但都係煲水新聞。
睇番JM啲童年相，名副其實係美人胚子，細細個已經好靚女。回顧JM入行過程，原來佢喺14歲時在街上被星探發掘，簽約種星堂，成為香港新一代青春模特兒始祖，被譽為「𡃁界女神」，當時與angelababy 以孖公仔姿態出道模特兒界。
同Baby鬥出面？
當年JM與Baby孖公仔出道，絕對係𡃁模鼻祖！由於身材外貌相似，又同樣走混血𡃁模路線，所以當時經常一齊工作，不過多年來都傳出兩人明爭暗鬥，更指兩人口和心不和，甚至互不瞅睬㖭！
JM澄清同Baby有聯絡
Janice Man於2017年接受ViuTV節目《interviu》專訪，大談事業婚姻，更解說與Angelababy的關係：「我知道到今時今日外界依然對我哋不和呢個問題好有興趣，其實我哋間中都有聯絡，當然佢依家好忙，因為生咗小朋友，我都送咗祝福畀佢，同埋有買禮物畀佢小朋友。 」
到了07年，JM和baby就各自發展逐漸走紅，昔日戰友開始成為競爭對手，那時候JM開始涉足電影，參演方力申和鄧麗欣主演的電影《十分愛》，而baby繼續做model，直至09年baby認識了她生命中的另一半 — 黃曉明，Baby人氣急升，工作量激增。
反觀JM事業上未有大突破，外間經常把二人作比較！
JM留着大波浪長捲髮，化上日系妝容，大眼睛、鼻高高，深受年輕人喜愛！
黎明封JM「模art」
當年簽約黎明AMusic旗下，簽約不久便有機會在Leon紅館個唱演出，而Leon更為她起了新綽號為「模art」，其實簽約黎明後，公司幫JM接咗不少高級品牌、時裝嘅model工作，在Amusic的五年間，文詠珊先後與多位影視紅星合作拍攝電影，JM慢慢地洗甩𡃁模形象，成功轉型。
金像獎紅地毯 失手露點
喺金像獎頒獎禮紅地毯上，JM都係常客，首年以白色晚裝孖住同公司嘅藝人李治廷行紅地毯。之後佢喺第34屆金像獎紅地毯上，以西裝裙中性打扮現身，但期間不慎露點，成為全晚最搶鏡嘅一位！
Janice Man喺前年第35屆金像獎首度入圍最佳女配角，JM以非常性感嘅Versus Versace黑裙上陣，仲自爆上下都真空，連底褲都冇著！
雖然JM失落女配角獎，不過佢好快收拾心情，見JM在網上大晒多張行山照，收起性感換上一身型爆運動裝，仲一邊行一邊擺甫士影靚相！
而近年JM嘅打扮都變得時尚及高貴，佢仲幫本刊影過不少靚相！
獲提名最佳女配角
07年JM開始拍下不少港產片如《愛·鬥大》、《內衣少女》、《大追捕》、《那夜凌晨，我坐上了旺角開往大埔的紅van》、《赤道》等作品，至2015年憑《赤道》入圍香港電影金像獎最佳女配角，2016年再憑《寒戰II》入圍金像獎最佳女配角。
轉投太陽娛樂 成功殺入內地
而在14年JM轉投太陽娛樂Paco旗下，在內地發展更追貼死敵Angelababy，四年間已拍六套劇。
近年由電影圈轉戰內地拍劇賺人仔,JM工作量驚人,拍《新天龍八部》就成功以氣質女神搶灘。
上人氣綜藝
【獨家爆】成功釣頂級金龜！30歲Janice Man米蘭豪嫁
當年同Angelababy鬥到叮噹馬頭的Janice Man(文詠珊)，去年轉戰內地發展，火速追貼較她早幾年攻國內的Baby，不過Baby已結婚做黃曉明老婆 三年多，JM愛情似乎大落後，但原來唔聲唔聲，JM感情已修成正果，準夫婿吳啟楠更非常猛料，現年36歲富三代才俊吳啟楠，出身家景顯赫，阿爺是中共黨員，大伯是前人大代表，父親開設免稅店，難得有家底背景，Carl（吳啟楠）仍靠自己白手創業，同前財爺梁錦松拍檔搞投資公司「新風天域」，條件超卓相比黃曉明絕對唔輸蝕。
囍帖曝光
JM精挑細選，選址在米蘭LakeComo的VillaErba舉行世紀婚禮，將邀請約百多名至親好友到場觀禮，一班好友近日亦開始收到囍帖。
超豪婚宴
今次婚宴超級有派頭，能夠去米蘭湖畔古堡舉行婚禮，相信係唔少少女夢寐以求的事，JM就公主願望達成，當日古堡行完禮，接著會在湖畔酒店舉行晚宴，翌日早上還有RecoveryBrunch安排，確實非常盡興。
上年求婚成功
不過實事求是的JM，同吳啟楠拍拖四年多以來都貫徹低調作風，不想 讓人誤會她無心工作，原本想在事業衝刺多幾年，上年被男友真誠打 動，先決定趕嫁做豬年新娘。近月JM同準夫婿已秘密籌備婚禮，已定在今 年10月12日在米蘭Lake Como湖畔古堡舉行世紀婚禮，婚禮更橫跨兩日盡顯 豪門氣派。據知情者透露：「雖然事業咁成功，不過Carl絕對唔係大男 人，佢對JM好體貼，JM長期喺內地拍劇，好少時間返香港，佢就算幾忙，都一定會抽時間飛去探班，陪吓女友，呢啲咁貼心表現，令JM好感動又有安全感，本來呢兩年JM喺內地發展得好好，都冇諗過咁早結婚，想喺事業上再衝吓，不過，Carl對JM全心全意，一直都想快啲成家，上年佢好有心思製造驚喜同女友求婚， 終於感動JM，改變睇法唔再拖，答應同Carl組織家庭！」
單係影婚紗相都咁豪， JM今次出嫁確實夠晒體面。不過，吳啟楠豪娶JM，10月米蘭婚禮卻講明要賓客自費機票及住宿參加，真係有啲美中不足。
入主千萬獨立屋
快升呢做豪門闊太，JM近月已入主Carl的千萬獨立屋做女主人，過富貴生活。
畀女友話晒事
對女友呵護備至的Carl，更將結婚全盤構思交由準老婆話事。據知情者透露：「JM好鍾意浪漫，佢一直都夢想將來結婚，會喺湖畔古堡搞婚禮， Carl知道之後，同JM好努力搜羅婚禮地點，揀咗好耐，終於搵到米蘭Lake Como古堡，為求盡善盡美，佢兩個上年仲專登飛過去睇景。」 雖然結婚地點由JM揸弗，不過為打造童話回憶令老婆一世難忘，Carl都花盡心思，湖畔婚禮玩足兩日，兩人除在古堡行禮，還有welcome party在湖畔酒店舉行，更會在露天場地放煙花，又安排現場樂隊演奏，到時一對新人還可同賓客隨歌起舞，讓大家玩得盡興，翌日還有Recovery Brunch。
上年米蘭睇景
去年九月, 放假遊意大利及米蘭,全程表現興奮雀躍,唔知當時係去睇結婚場地定係影婚照之旅,不過點睇臉上都充分流露滿滿幸福。
行蹤保密
近日JM同Carl已向雙方親戚好友發送婚宴囍帖。二人早前到古堡拍攝的婚紗 相亦同時曝光，身穿露背婚紗的JM置身古堡內如同古典美人攬住王子情深一吻，共譜幸福人生下一站。據知情者謂：「為咗安排呢次婚照之旅，JM唔想洩露行蹤， 一路都好神秘，同公司請假都只係話去旅行，做足保密功夫，只有負責拍攝嘅團隊先收到通知，呢次影婚紗照，除咗攝影師、化妝、髮型、造型師同助手，團隊多達十 幾人，機票住宿都好豪華，使費已經過百萬，娶得美人歸，Carl真係不惜工本！」
JM準夫婿吳啟楠是城中頂級筍盤，家族顯赫的他大有來頭，阿爺是中共黨員，大伯是前人大代表， 他本人亦白手興家，創業打天下。 去年同前財政司司長梁錦松創辦「新風天域」投資公司，身任首席執行官。
孖梁錦松開公司
孖住前財爺梁錦松開公司，去年「新風天域」在紐約上市，二人受訪大談生意經。
賓客要自費
不過今次獲邀出席婚禮的百多位至親好友，除雙方家長及一班兄弟姊妹團，其 他賓客都要自費參加。「一班親戚好友已經陸續收到邀請，一對新人仲有email貼身 指引點去目的地， book酒店機票嘅安排提示，不過就講明叫賓客自費參加，要去到 咁遠而且米蘭機票同住宿使費絕對唔平，有啲朋友都考慮緊去唔去好。」一對新人 豪得唔夠徹底，又的確有點美中不足！
出名夠潮又型格十足， JM對自己婚禮安排一絲不苟，10月婚禮的婚紗和晚裝更 全部在外地搜羅，有名牌亦有設計師設計。據知情者透露：「除咗拍婚紗相嗰套婚紗之外，婚禮上仲會有另一套宮廷式婚紗，加埋幾套晚裝， 絕對係超級華麗，JM本身 就好有時裝觸角，扮靚佢好有眼光，今次婚紗專登喺外國搜羅，設計既簡約又有特 色，JM好緊張，一路都有同設計師聯絡，給予唔少意見。」
36歲億萬富三代吳啟楠
吳啟楠係大忙人，連日來均外出工作見客，魄力驚人！
未婚夫公事忙
一早回公司工作，期間吳啟楠曾到附近買咖啡提神，但仍冇停過睇手機。
好有生意頭腦
能夠贏得美人歸，除家族顯赫，吳啟楠亦天才橫溢，拍拖不久，早已令JM認定係Mr. Right，結婚只是遲早的事。憑叻字出頭的Carl，自細在外國升學，由於成績優 異中學時跳班， 16歲已中學畢業，以拔尖直入LSE(The London School of Economics and Political Science)主修經濟，並獲甲級榮譽畢業，大學畢業後，獲投資銀行UBS 招手任分析員，07年加入黑石(Blackstone)，得前財爺梁錦松賞識，曾於黑石私募股權擔任執行董事，去年更同梁合組投資公司「新風天域」，除此之外，吳啟楠手上有唔少物業，手持上水及半山獨立屋，Carl還有投資月租儲物箱，康師傅以及鷹君等都 是主要股東，家族身家估計過億，如此超級筍盤，難怪成功打動JM芳心，近月JM亦已搬入Carl購入的千萬獨立屋待嫁。
男友日理萬機
日理萬機的吳啟楠，見客開會已是日常基本。
中港再擺酒
身邊好友眾多更不乏商界及政界名人，米蘭古堡婚禮只是前菜，Carl和JM還會 在中港兩地再擺酒。知情者透露：「JM入行咁多年，圈中朋友唔少，Carl就更加啦！ 佢人脈咁廣，長輩又有頭有面，一班世交點都要請，所以呢排佢哋都研究緊中港婚 宴賓客名單，怕掛一漏萬！」快將做富貴人妻，不過事業心重的JM，婚後仍會繼續幕前工作。據知情者透 露：「Carl好支持女友發展自己事業，就連JM組公司，兼顧埋幕後，佢都畀好多意見 女友，佢知JM對演戲仲好有理想，都唔反對老婆婚後再做幕前工作，不過，佢都講明唔想老婆太辛苦，一定要JM顧住身體同家庭行先，而且佢哋有共識，會過吓二人世界先生仔！」
女人辛苦搏殺都是想搵個靠得住的膊頭依靠，覓得頂級筍盤當然要長揸，JM唔嫁等幾時！
14年偷運男友返家
當日JM在半島酒店舉行加盟太陽娛樂記者會，之後仲搞Afterparty，直至入夜才離開，原來男友已在她的七人車等候。
同富三代吳啟楠拍拖四年多， 14年拍拖初期就被本刊拍到， JM偷運男友返屯門寓所。
變闊太 周遊列國
14年以三千萬轉投太陽娛樂， JM工作不斷，不過，同富貴男友拍拖四年，JM生活亦似足闊太，不用開工，就孖男友周遊列國享受生活。
睇北極光
17年底同男友去睇北極光，仲搞到唔見行李，不過JM一樣玩得非常開心。
遊美國「死亡谷」
遊美國「死亡谷」，JM好興奮！
日本住超豪酒店
日本血拼當然係潮人JM最愛，住超豪酒店更是身份象徵。
童話回憶停不了
VillaErba
成功娶得美人歸，富三代吳啟楠亦花盡心思為老婆 JM打造童話回憶，二人10月12日在米蘭的Lake Como湖畔古堡VillaErba行禮，絕對係有氣派又夠浪 漫，VillaErba（埃爾巴別墅）是一座19世紀別墅，位 於科莫湖畔，由第一家意大利製藥公司創始人，著 名商人卡洛埃巴兄弟路易埃爾巴所建，用以炫耀他 的財富，因此建設極為豪華，古堡外形氣派十 足，每一處設計都極有特色，1986年該別墅出 售，改為博覽會和會議中心。亦因此成當地景 點，不少國際大片曾在此取景。
一對新人更會坐馬車出場，變身王子王妃，真係拍戲都未必有咁嘅場面！
古堡內有宏偉的長樓梯，宴會廳格調高雅，非常壯觀！
Grand HotelTremezzo
除了VillaErba行禮夠壯觀，晚宴舉行的Grand HotelTremezzo，餐廳更能從高處看盡湖畔景色，美景盡收眼簾。湖中的浮動泳池更令人嘩然！
HiltonComoBar Tarazza241
翌日在HiltonComoBar Tarazza241舉行的RecoveryBrunch，該處環境同樣靚絕。
