細數歷年經典黃蓉 位位都是大美人！

飛雪連天射白鹿 笑書神俠倚碧鴛

一代武俠小說宗師金庸(本名查良鏞) 一生創作多部膾炙人口的武俠小說，包括《射鵰英雄傳》、《神鵰俠侶》、《倚天屠龍記》、《天龍八部》等，作品多次被改拍成電視劇、電影，其創作的武俠故事， 在華人世界無人不曉。

細數歷年經典黃蓉 位位都是大美人！

作品多次被改拍成電視劇、電影，其中以《射鵰英雄傳》被改拍成電視劇的次數最多，扮演女主角黃蓉的女藝人無不是絕頂美女！唔知邊位最深得你心？你又知唔知邊位最得金庸先生讚賞？

2017年新黃蓉 李一桐

2017年版《射鵰英雄傳》中，女主角黃蓉由90後新人李一桐擔正，佢更憑此劇一炮而紅！李一桐當年稱自己一開始對於試鏡無乜希望，試戲時有好多人，估唔到最後真係選中自己，覺得非常幸運！

李一桐出道時間不長，所以演出唔多，但套套都好收得，例如出道作《半妖傾城》播放量達五億之多！李一桐劇中的表現十分亮眼！

唔止古裝有韻味， 生活照都好有仙氣。

林依晨 (2008)

08年的《射鵰英雄傳》由當紅小生胡歌同林依晨出演，但觀眾似乎唔受落，認爲劇情「被改得亂七八糟」，不符合原著。而林依晨當時嘅baby fat也被觀眾垢病，認爲林依晨演得不夠精靈。似乎同陳妍希命運差唔多，睇嚟飾演古裝女神都係搵返「錐子臉」女星好啲。

周迅 (2003)

由周迅擔正黃蓉一角的2003年版《射鵰英雄傳》都大受好評。周迅係金庸欽點的黃蓉，佢曾稱讚周迅飾演的黃蓉係最接近原著、最符合佢心意。金庸甚至直説，周迅比翁美玲更靚！就連導演張紀中都like爆，話周迅「演技成熟、氣質冰冷、靈氣四射」！

朱茵 (1994)

1994年版《射鵰英雄傳》由朱茵同型男張智霖主演，朱茵絕對係數一數二的大美人，最美麗的黃蓉非佢莫屬！而1994年《射鵰》都係朱茵的新突破，劇中朱茵飾演嘅黃蓉加入唔少新元素，好似撥弄小辮同嘟嘴，對觀眾嚟講，都幾新鮮！

翁美玲 (1983)

講到最經典版本，點可以唔提1983年《射鵰英雄傳》？提起翁美玲，大家一定記得佢飾演嘅黃蓉，一直被封為「無法超越的黃蓉」，當年翁美玲同飾演郭靖嘅黃日華可謂一對金童玉女，佢亦將黃蓉調皮可愛的一面拿捏得相當出色！

可惜，呢位大美人喺1985年於寓所開煤氣自殺身亡，終年26歲，香消玉殞。同劇演員黃日華同苗僑偉提起翁美玲，都深感惋惜，話翁美玲經常教導佢哋做人的道理，叫人唔好衝動，點知衝動的就係翁美玲自己。