新劇《反黑路人甲》 馮盈盈換新髮型 王浩信周旋七美女之間
撰文：東方新地｜圖片：東方新地、Instagram
新劇《反黑路人甲》演員造型
由林志華監製的大台新劇《極度怪咖》舉行記招公開演員造型，演員陣容強勁，包括王浩信、張振朗、馮盈盈、高海寧、傅嘉莉、湯怡及石修等。見到各人造型都甚有新鮮感，馮盈盈有新髮型、長髮高Ling、白髮張振朗及四眼妹湯怡等。
馮盈盈換新髮型演淑女
今年最出位藝人之一的馮盈盈，今次為新劇換上新髮型，感覺好似乖女了不少！馮盈盈今次在劇中飾演一位斯文又溫柔的千金小姐，佢笑說角色同自己好貼近，可以演回自己淑女本色！大家點睇呢？
高海寧同石修有床上戲
高Ling今次特別為角色駁長髮，原來係要配合劇中佢扮演女明星的百變造型，高Ling表示會同王浩信及石修哥有感情線，仲會同王浩信有場床上戲，色誘對方！
馮盈盈壓過高Ling？
根據無綫派發的劇集資料，見到馮盈盈的排名較高海寧「高一級」，似係榮升女一！FYY聽罷就話自己只係「女七份一」，七個女角色之一。至於排名問題，佢就話一定係因為高Ling係K字頭，而自己係F字頭。果然轉數快～
王浩信周旋七美女之間
最美華姐林宣妤
今次劇集七大女角中，仲有另一位甚有新鮮感的面孔，就係2017年中華小姐亞軍林宣妤！林宣妤被譽為最美華姐之一，不過加入大台後卻未有過任何演出，而被視為TVB在2019年的最強武器！相信來年大把機會見到佢～
延伸閱讀：
華姐亞軍林宣妤 簽約後從未演出 成無綫2019年秘密武器？
雖然高質花旦買少見少，不過大家唔使擔心！因為兩位2017年國際中華小姐佳麗余思霆同林宣妤都已經係大台中人，余思霆最近都曝光率漸高，之前有份主持蕭正楠、曹永廉的《兄弟大茶飯》；而林宣妤就比較特別，其出眾外表絕唔比任何一位小花輸蝕，不過簽約至今從未有任何演出，可能有機會成為TVB 2019年的最強秘密武器？！
仙氣逼人賽前超級大熱林宣妤
1996年出世的林宣妤（Serene）今年只係22歲，來自馬來西亞霹靂州，於大學修讀食物及營養學系，另亦有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項，在華姐決賽前已經係超級大熱，可惜最終只得亞軍！佢亦係繼楊秀惠後，第二個來自馬來西亞的華姐加入TVB大家庭。
林宣妤華姐決賽重溫：
吉隆坡美女
來自吉隆坡的林宣妤有着典型美女嘅大眼睛、白裏透紅肌膚加上一把飄逸長髮，身材修長、儀態萬千，甜笑時散發陣陣仙氣，如果真係有機會睇佢拍劇，小編一定晚晚開電視！(題外話，Serene啲廣東話都算講得幾好，拍劇應該聽得明！)
一位咁高質的靚女，簽約無綫後竟然從未有演出機會！唔通係TVB留作2019年的秘密武器？定林宣妤其實志不在此？
未拍劇先拍電影
林宣妤之前同羅仲謙拍過廣告，仲大讚對方靚仔！
