金像獎2022｜回顧歷年金像獎女星出位激鬥 網民：好睇過頒獎禮！

金像獎2022｜周秀娜 透視裝博到盡

今年有份角逐影后的娜姐周秀娜，以黑色喱士性感透視裝出席金像裝頒獎禮，由於真空上陣，導致娜姐行紅地毯時要步步為營，避免走光，可惜即使博到盡，最終娜姐仍失落影后寶座。

今屆其他性感上陣紅地毯女星：

香港電影金像獎紅地毯大戰 之 失手篇

娜姐真空上陣曾失手

娜姐過往出席金像獎頒獎禮經常會真空上陣大晒Quali，而娜姐幾乎次次都會索爆性感登場，次次都殺在場唔少菲林！

不過真空上陣嘅娜姐都有失手嘅時候，試過喺2013年金像獎頒獎禮上因為中門大開，疑似露暈！

雖然娜姐曾經失手，但依舊不改性感打扮，上年獲提名最佳女主角嘅娜經就以金色大露背晚裝登場，再次成為紅地氈焦點之一，不過亦再次險走光！

「失守」唔止周秀娜

除周秀娜之外，余香凝亦曾疑似「雲邊失守」。兩年前《第38屆香港電影金像獎頒獎典禮》時，余香凝作為表演嘉賓，穿著桃紅色低胸禮服，非常性感，前面獻唱時並無異樣，但不久後晚裝鬆動，出事味濃！

但到表演後期，禮服移位滑落，令乳貼「失守」露出，馬上被一眾眼利網民Cap圖。幸好沒有變成更災難的狀況。

而在2018年《第37屆香港電影金像獎頒獎典禮》時，余香凝在紅地毯穿著「硬膠」禮服露出一雙「鋼鐵機械胸」，引來一眾網民取笑「可能係著得最噁心嘅女明星」，可謂連續兩年出「胸難」。

JM 露得就露

文詠珊Janice Man(JM)喺前年第35屆金像獎首度入圍最佳女配角，JM以非常性感嘅Versus Versace黑裙上陣，仲自爆上下都真空，連底褲都冇著！不過就慘被網友批評粗髀兼冇波冇籮，毫無美感！

有網友搵出越南模特兒Ngoc Trinh著同一款裙嘅照片，喺比拼之下擁有S形身材嘅Ngoc Trinh即刻贏晒！

熊黛林 倒瀉奶

熊黛林09年以晚裝出席金像獎，烏低身時見到膠紙！

DaDa奪獎Look

陳靜（DaDa）2013年憑《低俗喜劇》攞到最佳女配角，當年佢以開到近肚臍嘅Deep V戰衣上陣：

黃婉曼32F吸睛

前天氣女郎黃婉曼亦係金像獎紅地毯嘅常客，佢輕輕一夾就現出五吋事業線，吸引晒全場男士嘅目光！

2011年金像獎，黃婉曼遇上黃雨，貼地長裙盡濕！

謝安琪 濕晒

同一屆金像獎謝安琪都有性感現身，為頒獎禮上台獻唱，但因為暴雨關係，亦都逃唔過濕身嘅命運。

陳嘉桓

當年陳嘉桓著上Dorian Ho設計背心裙亮相：

劉美君20萬戰衣

劉美君喺09年金像獎穿著價值超過20萬的Jean Paul Gaultier戰衣，但裡面配襯黑色喱士bra，被彈打扮不倫不類。

JJ 迷人Pink Lady

賈曉晨(JJ)2011年香港電影金像獎以粉紅裝現身，上上落落烏低身都勁吸睛！

林志玲 金光閃閃

09年林志玲憑《赤壁》入圍「最佳新人獎」，佢以Marchesa金色晚裝上陣，晒出北半球，令人眼前一亮。

林熙蕾 D&G晚裝

林熙蕾2010年金像獎以Dolce& Gabbana裝扮現身，輕易成為全場焦點。

高貴篇

Sammi 食白果

鄭秀文(Sammi)每次行金像獎紅地毯時嘅打扮都大方又高貴，原來佢曾經7次提名金像獎「最佳女主角」，而喺第21屆中，更試過憑《鍾無艷》、《同居蜜友》同《瘦身男女》有3個提名，係入圍「最佳女主角」最多但從未獲獎嘅演員。

劉嘉玲高貴迷人

2011年憑《狄仁傑之通天帝國》成為金像影后嘅劉嘉玲以高衩長裙大晒美腿，佢每次出席金像獎時都打扮高貴迷人，keep得勁好。

舒淇 晒千萬鑽飾

2010年舒淇以Elie Saab晚裝配襯逾千萬Cartier首飾，貴氣逼人。

梁詠琪 難得性感

Gigi梁詠琪2013年都難得性感出席金像獎頒獎禮。

郭藹明偶爾性感

劉青雲係入圍金像獎「最佳男主角」最多次嘅演員，38年嚟曾16次提名金像獎「最佳男主角」，但只係憑07年《我要成名》同15年《竊聽風雲3》攞過2次影帝。郭藹明每年都陪老公劉青雲出席頒獎禮，老公可以年年都著一樣嘅衫 ，但郭藹明就年年都要轉款，不過難得佢永冇失手，年年都一樣咁大方得體，偶爾性感，仲好有驚喜㖭！

余安安

上年，余安安著上純白色女神風長裙，配以簡約鑽飾，高貴大方登場！