網民：求編劇幫佢加多啲戲份！《跳躍生命線》最受歡迎女角色原來係…

《跳躍生命線》開播一星期，由3年無喺TVB拍劇嘅馬神馬德鐘主演，帶領一理新世代演員，好似何廣沛、陳瀅、劉佩玥、羅天宇同張曦雯等。觀眾除咗留意馬神之外，相信都會擺更多眼力喺幾位女演員身上，而有網民更想呢位演員可以有多啲戲份添！

《跳躍生命線》最受歡迎女角色原來係…

陳瀅同劉佩玥都係醫護人員，前者係護士，後者係救護員，兩位著起制服上嚟都有板有眼㗎！

即使唔著制服，著便服都一樣好吸睛！

而平時做開旅遊節目主持嘅張曦雯亦鮮有地喺電視劇出現，今之喺劇中飾演芭蕾舞導師同車房技工，一向身材Fit爆嘅佢相信會吸引到唔少男Fans，而且仲會同馬神有感情線添。

除咗呢三位女主角，其實劇中仲有一位TVB花旦客串㗎！Ali 李佳芯喺頭兩集出場，喺劇中飾演馬德鐘老婆，不過因為一場交通意外逝世，有網民就表示Ali一出場就死真係好可惜，仲問點解唔直接搵Ali做女主角啊！