解約一周年！「魔鬼胸」蔚雨芯搞生意、逆市獲利營業額過百萬！

撰文：東方新地 ｜圖片：蔚雨芯instagram、instagram

「魔鬼胸」蔚雨芯 宣佈跟公司終止合約

現年26歲的蔚雨芯(Rainky)去年在社交網發聲明，宣佈跟經理人唱片公司終止合約，暫時以個人身份發展，她又感謝經理人簡銘進及同事多年的栽培，認為每個階段的完結都是新的開始。而聲明的署名除咗寫上了藝名蔚雨芯，還附上真實名字「劉蒨樺」。

簽新經理人 「要我剃光頭都得！」

Rainky自小愛唱歌跳舞，17歲入行做歌手，近年都有幫無綫拍劇如《救妻同學會》、《是咁的，法官閣下》以及《再創世紀》，也曾演出電影《金雞SSS》。之前她接受訪問時表示電影、電視都演過，比較鍾意拍電視劇因為可以入屋，但睇番自己嘅演出覺得仲有好多進步空間，而佢好鍾意唱歌，不過因為未搵啱自己嘅方向，故暫時放下唱歌專注演戲！

搞美容品牌 「收陰丸」賺過百萬

蔚雨芯去年與友人合資搞美容品牌，她親身試服的收陰丸大賣，據報三個月已有過百萬營業額，笑言已回本有錢賺！由於生意以網購為主，未受疫情影響，Rinky表示生意發展順利，更可以趁租金回落平租2千呎寫字樓！

按計劃離開 解約不用賠償

蔚雨芯接受傳媒訪問表示，本來今年同經理人公司都會完約，而佢嘅經理人民迪都離開公司，所以Rainky也想提前少少，佢又強調同公司係和諧地結束合作關係，而且公司對佢很好，解約不用賠償。

否認態度差被雪

對於之前有報道指佢因為工作態度差而畀公司「雪藏」，Rainky否認，佢話工作上冇甩底，而且一直都有話繼續做騷同拍劇集，佢要澄清同公司關係好和諧。講到係咪同富二代緋聞男友有結婚嘅打算，蔚雨芯再度否認，仲話自己年紀尚輕。

與富二代拍拖 頻頻去大馬

早前有傳Rainky同30歲、鄭姓的馬來西亞富二代拍拖，男方對她安排專車接送、頭等機位等呵護周到，而Rainky更被指忽然富貴周身名牌。不過Rainky否認並指對方是好朋友而已。而近日佢就去咗大馬，未知是否和呢位富二代好朋友見面呢？！

32D魔鬼胸繼續晒身材！

擁有32D「魔鬼胸」的蔚雨芯，出道時家住觀塘彩盈邨，入行11年她擔任過模特兒、演員和歌手，最為人熟悉莫過於2012年拍攝無綫節目《去吧！墨西哥！》，穿上三點式與魔鬼魚一起游泳，被封「魔鬼胸」！

而其感情生活亦多姿多采，曾與天王郭富城、何浩文和狄以達傳緋聞。她亦是圈中孝順女，2013年其母不幸遇車禍，導致左腳骨折兼斷了三條骨，需動多次手術，當時蔚雨芯傷心到壓力爆煲，期間為母親作歌打氣，更學懂獨立，與母共度難關。

「魔鬼胸」蔚雨芯工作之餘，最愛去旅行享受陽光與海灘，佢仲不時上載索爆泳衣相至社交平台，不經意晒3吋魔鬼溝，認真引死人！

還記得去年蔚雨芯喺佢IG上載咗峇里旅行相，點知就同朱晨麗之前上載嘅相一模一樣，同一間酒店，同一個泳池，咁啱都係擺同一個「女神撥頭」嘅姿勢，原來兩個靚女係私下係好朋友，相約去旅行。

蔚雨芯有美好嘅身材，難得佢都肯同大家開心Share，巴打最開心！

晒「魔鬼胸」

蔚雨芯早前在社交網留言表示：「對自己好一點，這兩星期太疲勞，要游個水，看看中醫，去轉旅行。」身材惹火嘅佢著住三點式泳衣游水，在水中輕撥秀髮再嚟個出水芙蓉動作，唔覺意騷事業線！