同戚美珍結婚34年依然恩愛 苗僑偉：一定照顧佢一生一世
苗僑偉 飾O記警司
苗僑偉在《飛虎之潛行極戰》飾演O記警司聶宇航，同吳岱融飾演嘅高逸泰係好兄弟，而高逸泰兩個同父異母嘅兒子由黃宗澤同吳卓羲飾演，兩人都同苗僑偉有亦師亦父嘅親密關係。
三哥劇中有個靚老婆余慧貞 (劉美娟飾)，又有個年輕嘅女兒聶雪盈 (吳思佳飾)。
苗僑偉 有型御用警察
苗僑偉外表夠哂型就唔多講，身型高大之餘，行出嚟個感覺亦只啱做大佬或者警隊較高級職位嘅角色。
一定照顧她一生一世
已「奔六」嘅三哥仲係非常有型，其實從以前開始三哥畀人嘅感覺已經係好瀟灑、成熟穩重，82年苗僑偉同戚美珍合作《飛越十八層》擦出愛火，90年結婚至今。雖然三哥間唔中都會傳出緋聞，但戚美珍依然相信三哥，三哥接受本刊訪問時曾經講過：「佢 (戚美珍) 為我生小朋友，每個人年紀都會大，樣貌會變，冇理由生完小朋友就丟咗佢，做男人要學識承擔，同你生活咁多年，唔可以半途拋棄佢，結婚時已經係一個承諾，我同太太經歷過好多風浪，一定照顧佢一生一世。」深情告白，難怪兩公婆能夠恩愛如此。
當年嘅三哥同三嫂！
結婚25年大放閃光彈
三哥仲曾經趁住結婚25周年紀念，在微博大放閃光彈！佢仲寫到：「二十五年不算長，但肯定是不短的時光，謝謝有你的陪伴，謝謝有你們的祝福……感恩！」
一仔一女幸福滿滿
三哥同戚美珍育有一仔一女，大女苗彤盡得屋企人真傳身材非常好，前年仲獲邀成為港姐嘅御用攝影師，前途無可限量。但係上年就曾經傳出苗彤同鄭俊弘擦出愛火，搞到三哥派三嫂睇住囡囡，愛女心切，相信所有為人父母嘅都明白嘅。而囝囝苗俊則長駐係加拿大。
仔女健康最重要
三哥說，一個男人，無論在外面怎樣撒野馳騁，總向往回家的溫暖感覺。「見到一對仔女開開心心、健健康康，好過給我一個男主角獎。」說來老土，但相信是天下父母的心聲。
苗僑偉女兒 苗彤
三哥苗僑偉與太太戚美珍兩人都是獨當一面的藝人，女兒苗彤便盡得兩人優良基因，五官精緻之餘，笑容相當迷人，唔少人都覺得佢有潛力加入娛樂圈！早年苗彤在著名學府英屬哥倫比亞大學 (UBC)畢業，三哥夫婦專誠飛到加拿大參加其畢業禮，幸福得羨煞旁人。苗彤讀書叻又靚女，贏晒！
苗彤不時都會在網上大晒惹火身材！
