樊亦敏曾做陽光妹同伊健打情罵俏兇狠背後氣質佳兼有義氣

Jul 15 2020

嗰頭至喺《愛．回家之開心速遞》飾演巴渣闊三太，呢頭搖身一變成為《殺手》嘅武功高強社團阿嫂，樊亦敏12年回流無綫後劇接劇，不過角色多數都係兇狠巴辣唔好惹惡婆娘，聲大夾惡形象深入民心入晒屋。其實樊亦敏入行前係廣告界紅人、91年參選港姐係頂頭大熱，入行後即被無綫力捧，一代玉女今時今日因為兇狠入屋，不計形象入型入格，確係專業！

樊亦敏做陽光妹同伊健打情罵俏

71年出世、樊亦敏年幼時父母離異，母親改嫁日籍繼父一直視之為己出，仲送埋佢去日本升學學日文，必要時係可以用日文鬧人㗎！其實飛去日本升學前，樊亦敏已經因為機緣巧合，被睇中拍過吉百利、香橙、快餐店等電視廣告，仲有一代人集體回憶陽光檸檬茶廣告。好多人以為89年版本係樊亦敏第一次做陽光妹，實情87年最經典嘅鄭伊健版本已經有佢份，同伊健打情罵俏、激嬲女主角嗰個靚絕女同學咪就係佢本人囉！

樊亦敏陽光妹 49歲樊亦敏笑指自己係純天然，從冇整容，連一針都冇打過，所以唔會膠臉。 — 49歲樊亦敏笑指自己係純天然，從冇整容，連一針都冇打過，所以唔會膠臉。

樊亦敏陽光妹《愛．回家之開心速遞》「三姨太」呢期搖身一變成為《殺手》社團阿嫂，一呼百應有台型之餘仲係武林高手嚟㗎，面上一道長疤痕，造型相當突出。 — 《愛．回家之開心速遞》「三姨太」呢期搖身一變成為《殺手》社團阿嫂，一呼百應有台型之餘仲係武林高手嚟㗎，面上一道長疤痕，造型相當突出。

樊亦敏陽光妹樊亦敏自爆為做好勁打得嘅紅姐，場場打戲唔用替身親自落場，搞到周身瘀傷。 — 樊亦敏自爆為做好勁打得嘅紅姐，場場打戲唔用替身親自落場，搞到周身瘀傷。

樊亦敏陽光妹 2012年回流無綫後雖然主打做配角，不過樊亦敏套套演出都入型入格，近年最出色演出絕對係《愛．回家之開心速遞》嘅三太。 — 2012年回流無綫後雖然主打做配角，不過樊亦敏套套演出都入型入格，近年最出色演出絕對係《愛．回家之開心速遞》嘅三太。

樊亦敏陽光妹 14歲時被母親朋友介紹拍咗第一個朱古力電視廣告，八十年代最經典嘅陽光檸檬茶廣告亦有佢份，睇吓佢當時個樣幾清純。 — 14歲時被母親朋友介紹拍咗第一個朱古力電視廣告，八十年代最經典嘅陽光檸檬茶廣告亦有佢份，睇吓佢當時個樣幾清純。

樊亦敏陽光妹樊亦敏喺第一代檸檬茶廣告已出現，當時同鄭伊健打鬧激嬲女主角的一幕。 — 樊亦敏喺第一代檸檬茶廣告已出現，當時同鄭伊健打鬧激嬲女主角的一幕。

參選港姐獲最上鏡小姐

91年參選港姐、入選五強仲做埋最上鏡小姐，樊亦敏雖然三甲不入，不過因為顏值高、氣質佳一入行即被力捧，第一套劇集《他來自天堂》已經被安排擔任第三女主角。96年與無綫約滿北上發展，即成電視劇《太極宗師》女主角，仲因此一度同男主角吳京傳出緋聞！無論內地定香港，樊亦敏去到邊都企得住陣腳，點解事業衝刺時期不時幾個月唔見人無以為繼？原來係免疫系統一度失調，又被甩髮、哮喘、水腫困擾不停出入醫院，不過樂觀積極嘅樊亦敏就話，人人際遇唔同，做人唔好自怨自艾，無論去到咩境地，都要保持清醒喎！

樊亦敏陽光妹今日巴渣潑辣形象深入民心，其實20歲時嘅樊亦敏係港姐出身，當年顏值高氣質佳，用今日說話嚟講，即係宅男女神嚟㗎！ — 今日巴渣潑辣形象深入民心，其實20歲時嘅樊亦敏係港姐出身，當年顏值高氣質佳，用今日說話嚟講，即係宅男女神嚟㗎！

樊亦敏陽光妹 91年日本留學回港由媽媽報名參選港姐，樊亦敏首輪已經獲得最上鏡小姐獎項，亦入選五強係頂頭大熱，可惜最後大熱倒灶三甲不入。 — 91年日本留學回港由媽媽報名參選港姐，樊亦敏首輪已經獲得最上鏡小姐獎項，亦入選五強係頂頭大熱，可惜最後大熱倒灶三甲不入。

拔刀相助劉家輝

今年49歲、依然單身，樊亦敏除咗同「戰狼」吳京傳過緋聞、捲入過神童輝羅兆輝艷照風波，亦同如今已經出家嘅何寶生拍過拖㖭！ 2011年武打巨星劉家輝因為中風入院，隨後與家人出現爭拗，兼被女助手騙財夾帶私逃，多得樊亦敏挺身而出，出錢出力打埋人情牌搵律師幫劉師傅打官司，雖然一度被外間猜疑二人關係密切，但原來佢哋絕對稱不上熟絡，樊亦敏純屬俠義心腸拔刀相助，認真難得！