楊秀惠初為人母 倉底劇《仁心解碼》重播驚現300磅肥妹造型

圖文：東方新地

《仁心解碼》重播 楊秀惠驚現300磅肥妹造型

2004年華姐楊秀惠加入TVB後，先任TVB8慨節目主持，再跳入翡翠台拍劇搶入屋。秀惠肯搏肯捱又肯露，無論差婆、狐狸精定大肚婆都肯演，就算要佢同當時嘅绯聞男友孫耀威（Eric）拍劇亦冇say no（新作《Click入黃金屋》），當年接劇冇停手。

當年緋聞男友孫耀威讚好

當年記者宣傳活動上，將秀惠嘅新造型俾緋聞男友Eric睇，估唔到佢咁話：「幾得意呀，係秀惠嚟㗎？好似《瘦身男女》Sammi咁，我都想拍呢啲戲呀！（你都撐佢呢個新造型？）撐㗎！（叫TVB開番套劇俾你同秀惠拍囉！）（甜笑）」隨後記者向秀惠透露Eric讚佢嘅新造型可愛，又開到口想拍埋一份，佢就甜絲絲咁話：「唔係個個都有機會拍㗎！佢咁fit，唔好啦！」緋聞男女隔空同心唱和，凍死人喇！

佢喺重播劇《仁心解碼》學Sammi黐肥膏扮3百磅肥妹仔。連當時绯聞男友孫耀威睇過佢肥look後，都出口力撐「得意」，又話心思思想拍埋一份。

孫耀威、楊秀惠感情曾經糾纏不清

孫耀威同秀惠喺2007年尾合作音樂電影《分手公司》而撻着，更爆出同居傳聞，後來2008再喺新劇《Click入黃金屋》合作，戀情再度成爲傳媒焦點。但事隔一個月，兩人忽然傳出分手，令孫耀威被冠「賤男」之名。

12/2007 纏綿期

喺音樂電影《分手公司》嘅首映上互換戒指，Eric公開話同秀惠有觸電感覺。兩人更多次被傳媒撞破約會。

07/2008 冷戰期

喺樂易玲生日會上，秀惠忽然嚎哭，有傳因為Eric同佢分手之故。期間有傳媒探《Click》劇班，亦話佢哋視而不見。

12/2008 尷尬期

喺劇集首個宣傳活動上，Eric同秀惠玩遊戲期間，保持距離，喺傳媒三催四請之下先肯影合照。

12/2008 復蘇期

3日後再次為同一劇集宣傳，不過呢次兩人非常合作。玩遊戲時，女方重幫Eric換衫，亦自動波埋身影合照。

2009 正式斬纜

二人到2009年撇清正式關係，楊秀惠受訪時更否認拍過拖：「佢似一個大哥哥多啲，覺得佢係一個幾好嘅男仔。」其後孫耀威與陳美詩宣布拍拖，交往8年後二人2017年在美國洛杉磯註冊結婚。

尖沙咀拍鬧交戲

記者曾經直擊楊秀惠就同浩然喺尖東天橋拍外景。劇情講秀惠重遇前度男友，慘遭奚落，浩然睇唔過眼，掟水袋襲擊。突襲成功後，兩人更興奮到喺橋上連跑帶跳逃走。加工成300磅肥妹嘅秀惠，喺橋上多次來回崩跳，途人都感受到強烈震盪。

楊秀惠黃浩然演無綫版《瘦身男女》

電影《瘦身男女》早在2001年就上映了，此劇線複製了電影中的肥妹特效，將索女楊秀惠突破化肥裝扮演一個200磅嘅肥妹。減肥回歸後索爆登場！