重溫：曾志偉潛入巨星飯局狂言：「TVB係弱台！」直擊獎門人生擒周秀娜⋯⋯

圖文：881期東方新地（2014-11-14）

2014年，荷李活紅星Morgan Freeman（摩根費曼）、Nicole Kidman（妮歌潔曼）、美國隊長Chris Evans（基斯伊雲斯）以及Jessica Alba（謝茜嘉艾芭）、韓國組合少女時代前成員Jessica、甄子丹、楊千嬅、曾志偉等人，到海南島出席觀瀾湖世界明星邀請賽。大會晚上設宴招待一眾貴賓，甄子丹夫婦、曾志偉被安排與摩根費曼同枱。曾志偉開席不久密密飲，幾杯到肚的他，試圖單挑「宇宙最強」隊酒，仲即場捉住娜姐周秀娜⋯⋯

當年曾志偉勁唔妥余詠珊

之後曾志偉到場外做訪問，此時Now TV主播上前邀請醉醉地的曾志偉做訪問，他竟突然發酒癲：

「你邊間？我唔做TVB，TVB呢啲係弱台！」

翻查紀錄，當年呢句說話，發生於余詠珊入主無綫之後，曾志偉非常不滿對方排異己、只捧自己友，更自稱「炒人有理」。當年曾志偉曾經出席活動，以一身黑衣隔空聲援TVB職員協會發起之黑衣行動，指摘高層連有病及即將退休的職員都炒，處理手法相當有問題，曾志偉借醉鬧無綫弱台，唔妥到出口！

同場加映：仲有楊千嬅大露背招呼「美國隊長」

此外，身為當年活動PR的丁子高，亦擺明益老婆楊千嬅，因為場內只有她一位香港藝人有幸與美國隊長Chris Evans一齊行紅地毯。為了撐老公場，千嬅十分識做真空大露背上陣，晚宴又換上一條低胸短裙，又在場內代丁子高與賓客social，事後她興奮表示：「美國隊長真係好靚仔，仲靚仔過我老公，今次我發達啦！」