【婚姻合伙人】高海寧、林秀怡輪流灑鹽花！盤點TVB劇集14個經典性感場口
撰文：東方新地｜圖片：TVB劇集截圖
高海寧《婚姻合伙人》大灑鹽花
高海寧喺《婚姻合伙人》初次擔任第一女主角，梗係要搏盡啲，劇情講述貝競枝（高海寧飾）獲邢呇（黃德斌飾）邀請到沖繩公幹，其中高海寧在車上換泳衣以及與黃德斌在水中激吻，都令觀眾大飽眼福！
高Ling騷玉背
邢呇為了婉拒幾位同性戀者的示好，打電話叫貝競枝假扮成他的女朋友，正做按摩和拔罐的貝競枝滿心歡喜，急急穿上衣服赴約。半裸狀態的高Ling以毛巾遮着正面，站在鏡前面回看背上拔罐痕跡，心感不美觀。
高Ling穿上一件落到肚臍的黑色deep V泳衣，急急赴會，為了慳時間於是在車上脫浴袍換穿便服及化妝，期間大騷事業線，性感程度爆燈。
另一幕，高Ling誤以為黃德斌遇溺，跳入泳池救他，原來黃德斌試探高海寧，黃更攬住佢錫錫，貪錢的高Ling也自動獻身任由對方擁吻。
林秀怡浴缸埋身肉搏激戰陸永
而喺5月21日播出的一集，林秀怡與陸永這對歡喜怨家，更於浴缸大戰一幕更引起網民關注，劇情講到施嘉露（林秀怡飾）揚言自殺，並於浴室疑以安眠藥配紅酒自殺，郎朝仁（陸永飾）於是馬上趕到她的單位及阻止對方。
其間郎朝仁沒有發現施嘉露，卻驚覺自己再次錯過會計考試，大受打擊，拿起眼前的安眠藥，不料卻被施嘉露發現，更因二人爭住尋死，而於浴室上演了一場埋身「肉搏」戰！
大戰期間，林秀怡出招胸壓兼用雙腿夾實陸永，加上林秀怡浸在水中時，更透出內衣，睇得人相當肉緊！而林秀怡與陸永糾纏間，陸永更一手拍落女方胸口以圖推開她。
結果，這幕二人浴中大戰成為了全集焦點所在，更引起了網民熱烈討論！至於林秀怡後來接受傳媒訪問時表示，這場戲是她目前性感尺度上最大膽的一次，同時謙稱指其實不感覺自己如網民所言般性感！
另一方面，林秀怡更表示自己當日是病住開工，不過幸得對手陸永有風度及體諒，指當二人知道劇本寫著陸永要掂自己個胸，陸永即時主動提議指不如借位拍攝，因為借位便可以避免掂到女方胸部。
1.《賭城群英會》高海寧胸爆Mon
其實高Ling非首次性感演出，前年大台劇《賭城群英會》乃王晶導演出品，有連場香豔畫面是常識吧！其中有一幕係高海寧、文凱玲、何浩文及黃浩然一齊喺泳池中嬉戲，一個近鏡見到高Ling超級導彈從水中衝上水面，睇到觀眾都「眼凸凸」！
2.《特技人》朱晨麗bra top盡34D上圍
早前一集《特技人》中，除剩件運動bra top的朱晨麗，谷盡34D噴血上圍，成個畫面真係好震撼！劇中朱晨麗咁靚女又身材索爆，不過就男仔頭好麻甩，睇佢呢個飲嘢動作幾咁豪邁！
谷胸小睡片刻
譚俊彥睇到呆晒
之後男主角譚俊彥出現，返到屋企見到朱晨麗咁樣瞓喺度，當堂呆一呆！而朱晨麗亦係嚇到即時彈起身，仲撞親腳！
沙發睡美人
原來呢場戲仲未完！畫面一轉，見到依舊著住bra top的朱晨麗喺沙發瞓著，譚俊彥怕佢著涼，好心行埋去叫返入房啦，點知……
｜朱晨麗 譚俊彥深情錫錫
等咗咁多集，朱晨麗同譚俊彥終於迎來第一吻！兩人仲愈咀愈激動，正當譚俊彥推低女方之際……
原來係一場綺夢……
好啦又係老套情節，原來係譚俊彥發夢！正所謂「日有所思，夜有所夢」，索到譚俊彥發綺夢，谷胸朱晨麗非同小可！
3. 朱晨麗激罕晒水着
另一場口講朱晨麗為美女演員秦臻 (傅嘉莉飾) 做替身拍廣告，要著上運動型泳衣打沙灘排球，朱晨麗話佢選完港姐之後已經好少着泳裝，所以好擔心觀眾嘅反應：「呢場戲講我做替身，着住沙灘排球衫拍飲品廣告，係戲中戲，同時我要做高難度動作，喺彈床度跳來跳去，拍嘅時候係夏天，好曬，拍完真係成身散晒！」
4.《愛．回家》蘇韻姿久違的泳衣
《愛．回家之開心速遞》中，由前港姐蘇韻姿(Andrea)飾演的熊心如「紅衫魚」頗受觀眾歡迎，其中一集講到池子孝(阮政峰飾) 同熊心如去沙灘玩水，蘇韻姿著上久違的三點式泳衣大騷索爆身材，看得一班觀眾心心眼！
但其實所有蘇韻姿著三點式的畫面，都係阮政峰FF出嚟！不過觀眾都要多謝佢豐富的想像力啦！
5.《溏心風暴3》陳敏之從演最激一次
《溏心風暴3》呢幾場戲相信大家記憶猶新，陳敏之瘋狂愛上唐文龍，做小三都在所不惜。其中一幕濕身陳敏之將白恤衫鈕扣逐粒解開，喱士黑Bra誘惑，捉住唐文龍隻手摸落去！
辦公室打得火熱
唐文龍本來仲係欲拒還迎，但最後都係頂唔順要就範，喺辦公室打得火熱！
回家最好不過
喺office始終就住就住，敏之同唐文龍之後咀到返屋企，上到大床繼續瘋狂車輪戰，唐文龍仲雙手一嘢扯低敏之條bra帶！呢幕除了敏之玉背吸引外，唐文龍對麒麟臂同樣吸睛！
火辣浴室激戰
之後敏之同唐文龍再上演一場火辣辣浴室親熱戲，今次《溏心3》演出都可算係敏之從演以來最激一次，唔知敏之老公有無睇到眼火爆呢？
6.《誇世代》陳偉琪自淋香檳
上年台慶劇《誇世代》，第一集就帶俾觀眾眼球上的震撼！有34E彈彈波之稱的陳偉琪第一集就濕身誘惑陳豪，果然好濕好Hungry！
劇中陳偉琪飾演進擊的女職員，為討好上司陳豪而準備了一個surprise，突然間喺枱底彈出，仲將香檳淋喺身上，充滿名酒的上衣，酒色俱備，男人點忍！
7.《喵喵星》楊秀惠黑絲誘陳豪
台慶劇《來自喵喵星的妳》中，其中一集楊秀惠一身低胸黑色晚裝，一對黑色絲襪非常煞食，加埋若對隱若現的42吋長腿，隔住個mon都睇到慾火焚身，今次真係叔叔不行了！唔知面對造型性感嘅楊秀惠，人夫陳豪頂唔頂得住呢？
8.《幕後玩家》黃翠如玩水中「蕭」
《幕後玩家》呢集由真情侶黃翠如及蕭正楠上演火辣辣一幕！鏡頭前本來只有蕭正楠赤裸上半身沖涼，之後疑似全裸的翠如BB突然拉開浴簾，仲露出一個好嫵媚的笑容，之後就一發不可收拾，濕晒身又攬又咀！兩人呢場戲表現得相當投入，好似世界得番佢哋兩個，非常火辣香艷！相信平時做慣做熟，先拍得出呢個效果？
9.《師奶兵團》陳法拉益郭政鴻
呢幕都算係經典啦！2006年劇集《師奶兵團》，選完華姐不久的陳法拉飾演郭政鴻的上司Angela，劇中多次色誘已婚的郭政鴻！其中一場戲開船P，著上比堅尼的法拉叫郭政鴻幫佢搽太陽油，仲要一臉陶醉，不知恨死多少男士！
10.《有營煮婦》陳法拉浴室露bra
又係陳法拉，法拉喺2009年劇集《有營煮婦》飾演鍾景輝及李司棋的女兒，劇情講述劇中的法拉誤會洪天明是同性戀者，故毫不避忌地在他面前更衣露出胸圍，甚至除褲如廁。
網友紛紛留言表示O嘴，唔知點解會無啦啦加一幕浴室換衫戲，除衫露bra，令人費解，有討論區家長直斥劇情刻意賣弄性感，露Bra戲兒童不宜。
11.《法證先鋒III》陳茵媺除剩黑色Bra
06年參加港姐獲得冠軍陳茵媺都有份拍無綫2011年經典劇《法證先鋒III》，其中一幕戲講到陳茵媺的外衣不慎弄濕了，她隨即到更衣室脫下外衣，到暖風機吹乾衣物，陳茵媺除剩黑色Bra，吸睛度爆燈，
12.《衝上雲霄II》林芊妤沙灘壓馬明
2013年的《衝上雲霄II》中，飾演花心機師的馬國明同林芊妤(Coffee)有場沙灘調情戲，Coffee狂騷逼爆上圍，仲要反壓馬明，視覺效果一流！但相信呢個組合都唔會再出現了。
13《古靈精探B》胡定欣谷胸鋼管舞
2009年《古靈精探B》，劇情圍繞郭晉安帶住一班雜牌軍查案， 其中一集講到胡定欣參加鋼管舞比賽，一身性感舞衣上陣，谷盡上圍，成為網絡經典Cap圖之一！
14.《棟仁的時光》朱晨麗晒舞技
除了視后胡定欣，朱晨麗喺今年《棟仁的時光》中一樣有鋼管舞演出，性感舞衣就基本啦！
