主角頒獎禮重聚 經典青春劇《四葉草》系列回顧
第一代《四葉草》頒獎
《萬千星輝頒獎典禮2017》中頒發「最受歡迎電視劇歌曲獎」的幾位嘉賓，正是《當四葉草碰上劍尖時》第一代演員，包括黎諾懿、李逸朗、姚子羚、唐詩詠和傅嘉莉。劇集當年極受歡迎，連主題曲〈Shining Friends〉都播到街知巷聞，由佢哋頒獎合適不過！
青澀樣子重現
宣布得獎者前，大會更在背後大屏幕展現眾人當年的青澀樣子！兩位男主角樣貌唔算話好大分別，不過幾位女星真係睇到大家「嘩」一聲！姚子羚都不禁道：「我哋索咗好多！」
《當四葉草碰上劍尖時》（2003）
《四葉草》系列係唔少8、90後的青春回憶，係無綫當年少有的青春劇，播出後反應極佳！劇集以劍擊為主題，講述一班私立高校新生的校園戀愛故事。黎諾懿、李逸朗當年在劇中飾演兩兄弟，前者依家係無人不曉的「神之馬壯」，有一個幸福家庭；後者近年長居內地做網劇導演，但最爆都係佢15年時哭腔翻唱陳慧嫻名曲〈傻女〉！
詩詠同子羚當年分別只係22同23歲，仍然一臉稚氣，尤其子羚呢個四眼妹look確係經典！
女角仲有傅嘉莉同戴夢夢，前者繼續喺大台拍劇，後者就好耐無見～
《赤沙印記@四葉草.2》（2004）
《四葉草》第一部反應咁好，無綫翌年推出《赤沙印記@四葉草.2》，今次劇集以沙灘排球為題材，女主角有楊秀惠、李思欣、陳自瑤等、男主角則為司徒瑞祈同蔡淇俊，不過呢兩位都已經離開大台。一班後生女著沙排look晒吓腰晒吓腿，當然好睇～
《盛裝舞步愛作戰》（2008）
之後係2008年的三部曲《盛裝舞步愛作戰》，今次以馬術為主題，以衛詩雅及洪卓立的戀愛故事為主軸，仲有羅仲謙、龔嘉欣、陳家樂、李蘊、趙碩之等年青演員… Mandy Lieu都喺度！
衛詩雅入行10年
衛詩雅今年剛好入行10年，佢早前更拍了短片紀錄呢入行十年的感受，片中有唔少洋蔥位… 睇返當年的青春泳衣照，詩雅樣貌唔算好大分別，笑容一樣甜美，依家就多咗份成熟魅力～
龔嘉欣－最佳女配角
龔嘉欣當年同今日都係咁靚女，依家更多了一份成熟女人味～
李蘊已榮升媽媽
當年得17歲的Renee，如今已經結埋婚，生咗個可愛女兒～
