傅嘉莉拍《反黑路人甲》被高Ling藐爆 「抽錯水」怒犯眾憎！
撰文：東方新地｜圖片：東方新地
數年前，傅嘉莉因為誤會一場被網民當正係呂慧儀、黃文廸之間的小三，想為自己澄清冇錯，不過揀正人哋宣布離婚時叉隻腳po長文就絕對係抽錯水。雖然傅 嘉莉接連多日成為網民攻擊目標、自作自受成為呂慧儀離婚風波新聞人物，但工都係要照開。
勉強合照 影完人人彈開
去年香港國際影視展開幕，無綫新劇《反黑路人甲》（當時名為《極度怪咖》）全劇演員奉命現身會展宣傳，對住記者鏡頭個個笑笑口影大合照，不過指定官方動作一做完，男女演員包括女主角高海寧極速從傅嘉莉身邊彈開。
社交有障礙 高不成低不就
據知情人士透露，一向多是非惹緋聞，其實早於呂慧儀離婚前，《反黑路人甲》整個拍攝過程， 都冇乜人敢埋傅嘉莉身 ：「 雖然Kelly入 咗 電 視 台 成 六 年 ， 但 係 佢 一 向形象多是非又惹火，當家花旦圈子佢打唔入，二、三線嗰班佢又睇唔起人，所 以一直冇乜朋友。再加上上親報都唔係好嘢，基本上套劇一開，男演員怕惹緋 聞、女演員就驚惹是非，除咗開工都做慣獨家村。」
圈中朋友得幾個
做得傅嘉莉朋友，除咗會被傷口撒鹽，亦都要做定心理準備成為對方自家頭箍品牌宣傳工 具。可惜傅嘉莉圈中朋友為數不多，最終只得陳凱琳、胡杏兒出面做過生招牌。
相關文章：【反黑路人甲】1-30集劇情簡介、人物介紹 | 臨時演員王浩信爭做龍頭 TVB拍黑幫版《喜劇之王》
傅嘉莉收入與支出不符
出道多年同多位富貴兼有家室叔父輩傳緋聞，傅嘉莉收入與支出不符已不是新聞，電視台月薪不 過兩萬，傅嘉莉日前同媽媽去買家品，繼續有富 豪級保母車同私人司機接送。
「如果識做都唔會搞到大家關係咁差，最慘係套劇高Ling、馮盈盈擔正，傅嘉莉就好鍾意喺廠擺女主角款，佢喺套 劇做賴慰玲個妹，人哋演社團大家姐都係用番道具組提供嘅朱義盛，但Kelly 就成 身行頭好勁，閒閒哋一個私伙手袋都十幾萬，係專業定係有心炫富，點會睇唔 出!」大茄行頭貴過幾個女主角總和，離地又是非點會有朋友?
