21歲何超欣自認宅女 學業上實際係學霸！
編輯：東方新地、sunday kiss｜原文：sunday kiss｜圖片：新傳媒資料室、IG、微博
何超欣小學在港讀名校
四太梁安琪講過過，希望超欣喺冇傳媒壓力下成長，所以超欣自細就好低調，就算同屋企人出席活動，都有媽媽、家姐阿哥睇到實。自細一向品學兼優嘅超欣，小學就讀灣仔區傳統名校瑪利曼小學，除咗讀書叻，亦都好有運動細胞，小學已經喺學界田徑場上盡顯鋒芒，小三被選為「最有潛質運動員」。
何超欣細細個就見慣大場面，每次出現都好淡定。
四房全家福，（左一）為二哥猷亨，（中）三哥猷君，（右）為大家姐超盈。
超欣12歲就去咗英國讀寄宿學校, 所以自細就好獨立，識得自己照顧自己。
何超欣學業上實際係學霸
喺英國讀咗6年書，早前考GCSE考到9個A*，數學更加攞滿分。
本來劍橋已經收咗佢喇，不過超欣就想轉換吓環境，於是就跟阿哥去美國繼續升學。
而家超欣已經入讀美國麻省理工大學（MIT），仲做埋中國留學生會會長，認真叻叻豬！努力不懈嘅超欣前年暑期就在英國到怡和做核數工作，今年就在紐約的安永會計師事務所實習！
最近超欣仲代表MIT去參加同哈佛(Harvard)、耶魯(Yale)、普林斯頓(Princeton)同史丹福(Stanford)共5間名牌大學搞嘅五校同舟會學生組織，仲成為呢個組織嘅主席。
媽咪以前係跳舞老師，跳舞對超欣嚟講，又點會有難度！超欣更指自己細個鍾意跳舞，芭蕾舞、中國舞、交際舞都鍾意跳，3歲幼稚園已經有去跳舞班跳ballet！
自2002年開始，每年於11月舉行的巴黎名媛舞會（Bal Des Debutantes），聚集20多名由16至22歲來自不同國家的年輕名媛淑女的盛大舞會。超欣舊年都有應邀出席，成為25位名媛其中之一，亦係在場唯一一位華人！
超欣嘅社交平台，唔似其他哥哥姐姐咁多姿多采，而家仲係私人帳戶嚟！要留意佢嘅動態，就要留意佢啲哥哥姐姐嘅平台喇！
呢張唯一嘅水着相，就係由家姐超盈上載！
喺咁多兄弟姊妹當中，超欣同哥哥猷君感情最好！
猷君係數學天才，小學時連續兩年喺「世界數學測試邀請賽」中獲獎, 大個之後係麻省理工最年輕的金融碩士，18 歲被美國麻省理工和哈佛大學同時錄取，只係用咗 3 年時間，就攞到 MIT嘅畢業證書！
哥哥何猷君錫到個妹燶！更稱她為混血版鍾嘉欣！而超欣17歲生日，猷君更突登飛去倫敦同佢做生日。
「男生们请注意：我妹妹已经有戒指，所以你们都没机会的啦，请试也别试！(男生們請注意：我妹妹已經有戒指，所以你們都沒機會的啦，請試也別試！)够胆碰我妹妹的，我会把你杀掉，然后开开心心的去坐牢坐一辈子(夠膽碰我妹妹的，我會把你殺掉，然後開開心心的去坐牢坐一輩子)」
每年5月20日哥哥都會post出一張超欣的相片，2018年他就寫道：「女生們請注意！無論你有多漂亮身材有多好有多貼心，就算跟你結婚生孩子後，你也無法取代這人在我心中的位置。今天520，送給我人生最疼愛的 妹妹超欣！」
兩兄妹又會一齊去旅行。
何家二、三、四房子女世紀合照！真係好難得呀！
何家嘅親子活動，係一家人一齊打麻雀！
https://www.instagram.com/p/BUqVOlahfWe/?utm_source=ig_embed
